Gripi, familjaret e viktimes: Nuk ishte infektuar

Megjithese ngurojne te flasin para kameras, familjaret e te ndjeres shprehin versionin e tyre per rrethanat e vdekjes, version ky i cili del te jete ne kundershtim te plote me ate qe autoritetet shendetesore kane deklaruar ne fillim.

“Me vjen keq qe autoritetet bene deklarata aq te rreme. Ata quhen edhe mjeke, por vijne tek shtepia pa e ditur familja qe ajo ka vdekur dhe na nxjerrin jashte. Ca do te thote kjo?”, shprehet Frane Demaj, familjar i viktimes.

Ne oret e pasdites se dites se sotme instituti i patologjise ne QKUK ka perfunduar obduksionin, dhe sipas drejtorit te ketij instituti, pacientja vuante nga nje bronkopneumoni bilaterale e grades se rende.

Familjaret ne kete rast kerkojne pergjegjesi nga institucionet shendetesore per alarmin dhe demin e shkaktuar.

Familjaret e tjere tregojne se ambasada zvicerane ka reaguar me kerkim falje per, sic e quajne ata, “incidentin e shkaktuar”.

Kjo pasi e ndjera ka qendruar nje kohe ne shtetin zviceran dhe nuk eshte identifikuar si e dyshuar me virusin vdekje prures.

Te acaruar me shpejtesine e autoriteteve per te publikuar lajmin se gripi i derrave mund te kete hyre ne Kosove, familja Demaj nuk ka lejuar ekipin mjekesor te epidemiologeve t’i kryejne ekzaminimet e nevojshme ne anetaret e tjere te familjes.

Sidoqofte, deri ne perfundim te analizave ne laboratorin e Londres, autoritetet shendetesore e konsiderojne rastin si te dyshuar, rrjedhimisht deri ne konfirmim te rezultateve, ne qendren emergjente eshte aktiv alarmi per pajisjen me masa mbrojtese.

Top Channel