Te dielen do te luhet ndeshja per te cilin gezon çdo vit i gjithe Kotbuzi: vjen kampioni rekordmen Barjern Mynih. Ashtu si ne sezonin kaluar, ku Energi fitoi 2-0, vendasve edhe kete here u duhet te marrin pike per qendrimin ne Bundeslige.
Presioni eshte i madh. Fantazisti Ervin Skela e di se si mund te menaxhohen me se miri keto momente te mbushura me tension: pushimi me familjen eshte mjaft i mire. Mbi nje varke ne det, se bashku me gruan Mariola dhe djalin Kris-Emanue, ai eshte relaksuar ne diten e pushimit (te henen), te cilen e ka shfrytezuar per te mbledhur fuqite para supersfides me Bajernin! “Ndonjehere na duhet te kujdesemi edhe per te qetesuar shpirtin”, thote Skela.
“Eshte e rendesishme qe te çlirohemi edhe nga tensioni”. Shqiptari e di mire se per çfare flet. Me Frankfurtin, Bielefeldin dhe Kaiserslauternin ka luftuar gjithnje per qendrimin ne Bundeslige. Llogaria e tij eshte e thjeshte: dy fitore dhe pastaj feste. “Une deshiroj t’i marrim 6 piket sa me shpejt qe te jete e mundur, qe me pas te mos jemi nen presion. Pra, ne duhet te mundohemi te shfrytezojme edhe shanset e tjera. Madje, mendoj se mund te fitojme edhe ndaj gjigantit Bajern. Fale mbeshtetjes se tifozerise ne stadiumin tone, bavarezet do te vihen ne veshtiresi ashtu sikurse edhe Volsburgu, te cilin e mundem 2-0. Do te me gezonte pa mase nje fitore e mundshme, pasi do t’ua dedikoja tifozeve”.
Top Channel
