KE: Ekonomia greke, perspektive te zymte

Sipas Komisionit Europian, ne shtetin helen parashikohet per vitin 2009 ritem negativ zhvillimi minus 0,9%, ndersa ne thelb viti 2010 do te jete thuajse pa levizje.

“Vazhdoj te konsideroj se ne baze te te dhenave nga ekonomia greke, deficiti do te duhet te ulet deri ne fund te vitit 2010”, ka deklaruar komisioneri Joachim Almunia.

Si rezultat i kesaj ecjeje pas te ekonomise greke, papunesia ne vend do te rritet ne 9.1% kete vit dhe ne vitin e ardhshem ne 9.7% dhe armates se te papuneve do t’u shtohen 99.000 vete.

Borxhi shteteror do te shkoje ne 103.4% ne 2009 dhe ne 108% ne 2010. Ne vazhden e skandaleve te njepasnjeshme te disa qeveritareve konservatore greke, te cilat ngelen vetem ne shkallen e publikimeve, por jo te denimeve penale, opozita socialiste ngre edhe njehere zerin duke denuar korrupsionin e thelle ne vend.

“Mandatet negative nga Brukseli justifikojne pyetjen e qytetarit grek se ku kane shkuar parate, 80 miliarde euro ne vitet e fundit qe jane tashme ne kurriz te taksapaguesve”, ka deklaruar kryetari i PASOK-ut, Georges Papandreu.

Ndersa zedhenesi i qeverise justifikon fazen e keqe te ekonomise greke me pasojat e krizes ekonomike mbareboterore.

Por shifrat nga Brukseli nuk lejojne asnje justifikim sepse deficiti financiar parashikohet ne -5.1% dhe ne -5,7%, perkatesisht per dy vitet ne vijim dhe qe te mbulohet ky boshllek do te duhet te merren masa rimekembese per ekonomine me nje vlere prej 5.5 miliarde euro.

Fjales “deshtuat” te thene nga Brukseli, qeveria e zotit Karamanlis sipas shtypit grek, duket se do i pergjigjet me masa te menjehershme, aspak pozitive per shtetasit e saj, sic jane ngrirja e pagave per keto dy vjet dhe rritja e disa prej taksave financiare.

Top Channel