Qe nga dita e djeshme, Arben Bici nuk do te jete me sekretar i pergjithshem i FSHF-se. Sipas informacioneve zyrtare, ish-numri dy institucionit me te larte te futbollit ne vend ka dhene doreheqjen.
Kerkesen per te lene vendin e punes per arsye krejtesisht personale ia ka dorezuar presidentit te FSHF-se Armand Duka, i cili e ka miratuar.
Nderkohe qe nuk mungojne burime brenda FSHF-se, te cilat thone se Bici eshte bere “koke turku”, per hir te disa problemeve qe kane prekur FSHF-ne ne kete pjese te dyte te sezonit. Behet fjale pikerisht per rastin e paprecedent te mungeses se nje rregulloreje te qarte e te plote per sa u perket renditjes se skuadrave ne perfundim te dy fazave te para te kampionatit.
Vllaznia e kontestoi vendimin e FSHF-se per te renditur te paren Tiranen (me golavarazh me te mire), ne vend te saj, pasi pretendonte se renditja duhej bere ne baze te ndeshjeve direkte, (te mbyllura te dyja ne barazim: 0-0 ne Shkoder dhe 1-1 ne Tirane). Nje tjeter pike e turbullt, e cila mund te kene ndikuar ne doreheqjen e Bicit eshte edhe mosevidentimi nga ana e zyrtareve te FSHF-se i shkeljes se rregullores ne rastin e aktivizimit nga nje skuader te lojtareve qe ne te njejtin sezon kishin luajtur me nje tjeter ekip.
Gjithsesi, ajo qe vlen per momentin eshte doreheqja e sekretarit te pergjithshem. Bici, i cili qe nga viti 2002 u punesua fillimisht si shef i zyres se marredhenieve me jashte prane FSHF-se, ne vitin 2004 pas vetelargimit te ish-sekretarit Sulejman Starova u emerua me bekimin e Dukes fillimisht si i komanduar ne detyren e sekretarit te pergjithshem te FSHF-se, per t’u zyrtarizuar me pas me funksion te plote deri ne shkurt te vitit 2006. Pas rizgjedhjes per here te dyte si president i FSHF-se (Asambleja e vitit 2006), Duka perzgjodhi avokatin Roland Mici, si sekretar te ri, por dhe ky e ndjeu veten me pas nje viktime e nje intrige te rendomte te korridoreve te ngushta te FSHF-se, duke u larguar nga detyra pas vetem nje viti.
Duka e riktheu serish Bicin, i konsideruar si nje nga njerezit me besnik te tij. 43-vjeçari eshte sekretari i trete i FSHF-se i larguar gjate “mbreterimit” shtatevjeçar te Dukes.
Top Channel
