Pak ore e ndajne Kosoven nga anetaresimi me te drejta te plota ne Fondin Monetar Nderkombetar.
Ne oret e pasdites ne SHBA pritet te perfundoje procesi i votimit dhe sipas ministrit kosovar te Ekonomise dhe Financave Ahmet Shala, eshte arritur kuota e votimit per anetaresimin e vendit ne FMN.
Pritet vetem numerimi i votave pro apo kunder, per te cilen autoritetet kosovare jane te bindura se Kosova ka me shume vota pro se kunder.
Komiteti per anetaresim i Fondit Monetar Nderkombetar me 3 mars te ketij viti ka aprovuar kuoten per anetaresim te Kosoves ne FMN, kuote kjo qe kap shumen prej 65 milione euro.
“Njoftimin do ta marrim pas 3-4 diteve. Sfide ka qene kuota, numri prej 92 shteteve qe duhet te merrnin pjese ne procesin e votimit”, ka deklaruar Shala.
Anetaresimi i Kosoves ne Fondin Monetar Nderkombetar i hap shume rruge shtetit dhe pervec anetaresimit ne Banken Boterore, proces ky i cili pritet te perfundoje ne qershor, anetaresimi ne FMN mundeson marrjen e kredive te buta qe do te ndikojne ne permiresimin e mireqenies sociale.
Krijimi i besueshmerise tek investitoret dhe zhvillimi i politikave drejt arritjes se stabilitetit makroekonomik jane perparesite e tjera te Kosoves brenda FMN-se.
Ne lidhje me lobin serb per te parandaluar anetaresimin e Kosoves ne kete institucion, autoritetet kosovare theksuan se kjo ka qene e pamundur sepse votat e shteteve qe e kane njohur pavaresine e Kosoves kane peshe shumefish me te madhe se disa aleate te Serbise.
Top Channel
