Leternjoftimet, thellohet debati
10/04/2009 20:45
Politika shqiptare uron besimtarët myslimanë për Kurban Bajramin 06/06 08:55
Verifikimi i te dhenave per procesin e pajisjes se qytetareve pa pasaporte me leternjoftime elektronike jo vetem qe nuk le dakort opoziten dhe mazhorancen, por duket se po e shtyn debatin per te ne nje pike moskthimi.
Pas mbledhjes se komisionit te posacem, nenkryetari socialist Kastriot Islami e pershkroi edhe me alarmante dhe te perkeqesuar situaten se nje jave me pare.
“Deri me 6 prill jane kryer 159 mije aplikime nga votuesit pa pasaporte, 22% e numrit prej 730 mije votuesve pa pasaporte. Java e ardhshme do te shenonte nje pike qe gjithcka mund te behet e parekuperueshme”, ka deklaruar Islami.
Por sipas zevendesministrit te Brendshem Ferdinand Poni, pajisja e qytetareve pa pasaporte me leternjoftime, per shembull per Tiranen, mud te quhet i ezauruar edhe pse diferenca e shifrave qe ai dha eshte 20 mije.
“Ne Tirane nga 80 mije shtetas pa pasaporte, jane me shume se 60 mije qe kane aplikuar dhe qe eshte realizuar. Jemi ne kufijte thuajse zero”, ka pohuar Poni.
Te dyja palet kane argumenta te ndryshem per numrin e aplikimeve. “Eshte ezauruar numri i qytetareve pa pasaporte. U themi forcave politike te opozites qe te mbeshtesin procesin”, ka nenvizuar Poni.
Ndersa Islami vlereson se cmimi i kartave ben te pamundur aplikimin e nje pjese te personave pa pasaporte. “Ne 40% te rasteve thuhet se aplikimi nuk ka filluar. Prezenca e personave pa pasaporte ka qene e ndikuar nga gjendja e dobet financiare”, ka pohuar Islami.
Thirrja e perseritur e Partise Socialiste eshte dhenia falas e leternjoftimeve elektronike per personat pa pasaporte. Por pak me vone, socialistet mund te kene zgjidhje te tjera, nese sipas tyre demokratet do te pranonin deshtimin e procesit per pajisjen e qytetareve me leternjoftime elektronike deri me 28 qershor.
“PS qe ne momentin e hartimit te Kodit Zgjedhor ka qene dhe mbetet e vendosur qe zgjedhjet te zhvillohen me 28 qershor. Nese PD ndjehet e paafte dhe pranon se nuk mund ta kryeje kete proces, do bejme levizjet adeguate ne momentin e duhur”, ka deklaruar Islami.
A do te thote kjo shtyrje e zgjedhjeve nese PD pranon deshtimin? Zoti Islami pergjigjet: “Ne jemi te pergatitur per 28 qershorin dhe kjo pyetje duhet t’i behet kryeministrit, qe nese pranon se nuk behen kartat te thote se cila eshte zgjidhja tjeter”.
Top Channel
