Policite gjermane dhe franceze jane angazhuar per ruajtjen e sigurise gjate punimeve te samitit te NATO-s, qe do te zhvillohet ne Strasburg dhe dy qytete gjermane.
Policia franceze po mban nen arrest me shume se 100 persona nga 300 te arrestuarit gjate protestave te mbremshme. 25 mije police franceze po patrullojne rruget, ne pritje te mijera demonstruesve te tjere, qe do te mbushin sot sheshet.
Gjithashtu, qindra police gjermane jane vendosur ne Baden Baden dhe Kehl, dy qytetet qe do te presin gjithashtu samitin, per te mbajtur nen kontroll situaten. Ministrja e Brendshme franceze Michele Alliot-Marie kishte paralajmeruar se samiti perben kercenim serioz per sigurine publike, per shkak te protestave.
Hapesira ajrore mes Strasburgut dhe Baden Badenit, ku do te mbahet darka e lidereve, do te jete e mbyllur per avionet, po keshtu edhe autostradat qe lidhin dy qytetet. Ministrja franceze deklaroi se behet fjale per operacionin me te madh te sigurise ne vend, qe nga takimi i G8 ne Evian ne vitin 2003.
Top Channel
