Nje konflikt i lindur ne qytetin e Himares eshte “zgjidhur” me ndihmen e Forcave te Nderhyrjes se Shpejte.
Disa banore kane penguar per dy dite me radhe punimet per zgjerimin e aksit te rruges kombetare Vlore-Sarande, qe kalon permes qytetit te Himares. Banoret e shtepive qe ndodhen anes rruges qe po zgjerohet, pretendojne se po nderhyhet pa te drejte ne pronen e tyre dhe nuk u eshte dhene asnje demshperblim.
Vetem nderhyrja e efektiveve te FNSH-se, ka bere te mundur qe konflikti te shuhet dhe firma “Albstar” te vijoje normalisht punimet.
Disa nga banoret e Himares qe kane kundershtuar zgjerimin e rruges ne kurriz te prones se tyre, kane qene te ashper edhe me forcat policore, ç’ka i ka detyruar keta te fundit te shoqerojne kater prej protestuesve. Sipas burimeve policore, personat e shoqeruar ne polici jane dy anetare te familjes Andruci dhe dy te familjes Maraçi. Ata jane lene te lire pak ore pas shoqerimit, pasi jane marre ne pyetje dhe kane sqaruar thelbin e protestes se tyre.
Top Channel
