“Prokuroria e Pergjithshme sot ka nje ligj te votuar nga ne dhe i cili eshte ndryshuar pike per pike sipas sugjerimeve te dy burimeve me serioze te eksperitizes nderkombetare ne Shqiperi qe e frenuan aventuren per ligjin e prokurorise”.
Me kete koment u eshte pergjigjur pyetjeve te opinionisteve ne “Top Story”, kreu socialist Edi Rama ne lidhje me reformen ne organin e hetimit. “Fakti qe prokuroria nuk ishte 100 % dakort nuk do thote se ligji nuk ishte i mire. Nderkombetaret luajten nje rol themelor ne zberthimin e te gjitha difekteve qe kishte ligji. Eshte arritur te vendosen njera mbi tjetren te gjitha verrejtjet e ekspertizes nderkombetare. Kam marre pergezimet e te gjithe partnereve tane per ligjin e prokurorise”, theksoi Rama.
Ne vijim, ai foli per marreveshjet me mazhorancen per ligjin e drejtesise dhe te kodit zgjedhor. “Marreveshja e 2002-it ka qene e turpshme sepse nuk ishte nje marreveshje nga e cila buroi ndonje standart sic buroi nga reforma elektorale, nuk ishte marreveshje per reformen ne drejtesi, por nje marreveshje per ca komisione hetimore per te lare ca llogari. Nuk kam qene kunder parimit te te marrurit vesh, por kam qene kunder natyres se ketyre lloj marreveshjesh dhe sot jam krenar qe PS eshte promotore e rruges qe per pak dite kurorezohet me ate dite te shumepritur nga shqiptaret”, qartesoi Rama.
Kreu i selise roze shtoi se, rezultati i zgjedhjeve lokale e detyroi kryeministrin te ulej ne tavolinen e bisedimeve per keto reforma. “U desh shuplaka e 18 shkurtit te 2007-es per ta bere kryeministrin te negocionte me PS-ne dhe kryetarin e saj. Shpresoj shume qe ajo pune e madhe e bere me reformen elektorale qe i dha Shqiperise tjeter imazh ne syte e nderkombetareve, te mos shkoje dem per shkak te infrastruktures se munguar dhe varferise se njerezve qe nuk kane mundesi te blejne karten e identitetit”, u shpreh kreu socialist.
Top Channel
