Kosove, serbet aplikojne ne polici

Ndersa 300 pjesetare serbe te Policise te cilet kishin braktisur punen nje dite pas shpalljes se pavaresise, vazhdojne te bllokojne multietnicitetin ne kete institucion, qindra qytetare serbe kane shprehur interesimin per t’u bere pjese e Policise se Kosoves.

Ata kane lene te dhenat e tyre personale ne administraten e policise, ndersa presin vendimin e ministrise se Puneve te Brendshme per hapjen e konkursit te paralajmeruar prej kohesh. Ne listat e brendshme te policise, nga gjashte rajone qe ka Kosova, rreth 160 serbe te gatshem te sherbejne ne Policine e Kosoves, jane nga Gjilani.

Zedhenesi i Policise, Arber Beka, tha se me qindra serbe kane lene te dhenat, per t’u kontaktuar nese hapet konkursi. Megjithate, ministria e Puneve te Brendshme eshte me shume e interesuar t’i ktheje pjesetaret serbe te cilet te revoltuar me aktin e shpalljes se pavaresise, kane hequr dore ne sherbimi ne Policine e Kosoves.

Kjo per shkak se arsyet per te cilat ata kane braktisur punen, jane kercenimet nga politika serbe. Per vleresimin e ketij problemi, eshte formuar nje grup punues, ne te cilin jane perfshire ministria e Puneve te Brendshme, Policia dhe EULEX. Duke iu referuar interesimit te madh te serbeve, zevendesministri i Puneve te Brendshme Fatmir Xhelili, tha se para hapjes se konkursit per pranimin e njerezve te rinj ne polici, grupi punues do te caktoje nje afat dy mujor, brenda te cilit mund te kthehen ish-pjesetaret serbe te policise, qe kane braktisur punen.

Prej nje viti ministria e Puneve te Brendshme nuk ua ka nderprere kontratat e punes policeve serbe, te cilet me gjithese nuk qendrojne ne detyre, vazhdojne te paguhen nga Buxheti i Kosoves.

Top Channel