Kerkohet burg per Bollanon

10/03/2009 11:30

Sot ne seancen e gjyqit ndaj kryebashkiakut te Himares, Vasil Bollano, prokurori i ceshtjes paraqiti pretencen dhe kerkoi 1 vit burg per kryebashkiakun si dhe 500 mije leke gjobe. (UPDATE)

Ai u akuzua per demtim te prones per shkak se urdheroi heqjen e te gjitha tabelave orientuese ne gjuhen shqipe ne rrugen e bregdetit nga fshati Qeparo deri ne Qafe-Llogara. Gjate dhenies se pretences kryetari i bashkise se Himares nuk u paraqit fare ne sallen e gjyqit por u perfaqesua nga avokati Petraq Curri.

Ne qershor te nje viti me pare ndaj Bollanos u be nje padi per shkak se ne muajin dhjetor te vitit 2007 u be heqja e tabelave ne rruge.

Seanca e fundit gjyqesore qe eshte bere ne ngarkim te kryebashkiakut Bollano ka qene data e 23 Janarit ku nga avokati i tij u kerkua ndryshimi i trupit gjykues. Ne seancen e mbajtur paraditen e sotme prokurori Sokol Malaj ne pretencen kerkoi qe Bollano per demin e shkaktuar shtetit me shkuljen e tabelave te denohet me nje vit burg si dhe 500 mije leke.

Nga trupi gjykues u vendos qe seanca e radhes te mbahet ne date 24 mars, dhe rendi i dites do te jete degjimi i pales mbrojtese si dhe me vone nga gjykata do te merret dhe vendimi perfundimtar ne ngarkim te kryebashkiakut te Himares Ballono.

Top Channel