Pasi ka zyrtarizuar formimin e polit te katert me Levizjen per Zhvillim Kombetar dhe Partine per Ligj dhe Drejtesi, demokristianet kane marre perkrahjen e homologeve te tyre demokristiane nga Italia ne kete periudhe te nxehte paraelektorale.
Luiggi Baruffi, sekretari rajonal i Unionit Kristian Demokrat per Lombardine dhe perfaqesues i kreut te saj Pierrfernando Cassini gjate nje interviste per Top Channel ka theksuar se demokristianet do te kene mbeshtetje te plote te UDC per te arritur nje rezultat sa me te larte ne zgjedhjet e qershorit.
“Kemi per ta perkrahur plotesisht Partine Demokristiane qe perfaqeson te njejta principe si ne. Une uroj qe te dyja partite edhe ajo italiane edhe ajo shqiptare te kene sukses ne zgjedhjet e qershorit. Ne duam te ndihmojme PDK-ne te dale nga kjo gjendje pak mbytese ne te cilen ndodhet dhe kjo perkrahet nga shume kolege te mi ne Itali. Gjithashtu do te perkrahim PDK-ne per t’u anetaresuar ne grupin e Partive Popullore italiane sepse aty e ka shtepine”, u shpreh Baruffi.
Poli i katert rrit demokracine
Sekretari e quan mjaft te rendesishme inisiativen e PDK-se per te krijuar polin e katert si nje element thelbesor ne rritjen e demokracise politike ne Shqiperi.
“Ideja per te bere nje qender te madhe, nje pol te qendres, nje bashkim qe shkon pertej PDK-se, qe do te vere bashke nje grup partish te tjera duke krijuar nje alternative mes se majtes dhe se djathtes eshte mjaft e rendesishme. Ekzistenca vetem e se majtes dhe se djathtes nuk eshte shenje demokracie, por dobesie te demokracise”, u shpreh Baruffi.
Drejtuesi i larte i UDC-se kerkoi,qe inisiativa per krijimin e polit te katert, te shihet si shenje pozitive edhe nga forcat e tjera politike. Sipas zotit Baruffi ky bashkim do te jape frytet e veta edhe ne elektorat.
“Klimen politike shqiptare e shoh shume te tensionuar, te veshtire. Jam i sigurte se disa forca do te bezdisen nga kjo ide per te ndertuar nje pol qendre, por une mendoj se ekuilibri dhe fryma e moderuar qe PDK-ja ka dhene ne vazhdimesi duhet te jete nje element jo shqetesimi per te tjeret, por nje element kenaqesie. Dhe une besoj se rendesia e ketij grupimi do te shihet dhe do te cmohet nga zgjedhesit”, u shpreh Baruffi.
UCD: Berisha ta zgjeroje konsensusin
Luigi Baruffi theksoi se kryeministri Sali Berisha duhet te zgjeronte konsensusin ne qeveri duke mos lene jashte saj demokristianet dhe kryetarin e saj Nard Ndoka.
Me pas Baruffi dhe Ndoka kane zyrtarizuar para mediave bashkepunimin mes dy forcave politike respective.
Ndoka: Presim edhe parti te tjera
Kryetari i PDK-se, Nard Ndoka, theksoi se poli i katert do te zgjerohet edhe me forca te tjera duke krijuar nje alternative te vertete perballe partive te medha.
“Ne po presim qe vec partive tashme te fuqishme ne jeten politike dhe ne jeten parlamentare, t’i bashkohen edhe parti te tjera dhe te formojne polin me te gjitha elementet e tij”, u shpreh Ndoka.
Top Channel
