I ftohti, ngricat, problem per qarkullimin

Ne veri te vendit rruget nacionale jane te kalueshme vetem me zinxhire dhe policia po keshillon te gjithe udhetaret qe te mos levizin pa pajisur mjetet e tyre.

Nderkohe Shtabi i Emergjencave ka vene ne dispozicion te zonave me problematike mjete bore-pastruese si dhe mjete te ushtrise shqiptare per te mbajtur hapur akset me problematike, sidomos ne Puke-Kukes. Helikopteret e ushtrise, policise dhe shendetesise jane ne gadishmeri per operacionet e shpetimit.

Drejtuesit e OST-se dhe OSSH-se raportojne se po punohet ne zonen e Shkodres dhe Malesise se Madhe per te kthyer furnizimin me energji elektrike pas demeve te renda qe pesoi linja e tensionit te larte atje.

Reshjet nuk kane prekur vetem veriun por edhe jugun e vendit. Mengjesin e sotem Llogaraja serish ishte e bllokuar dhe mjetet borepastruese jane ende duke punuar.

Policia ka bllokuar kalimin ne kete aks rrugor. Reshjet krijuan probleme edhe ne Berat dhe Fier ne vendin e quajtur Qafa e Sqepurit. Pas disa ore bllokimi, rruga atje eshte hapur. Reshjet krijuan veshtiresi te medha edhe ne rrugen Gjirokaster-Sarande. Cdo rruge per ne kete qytet eshte e veshtire per shkak se ne qafen e Muzines, reshjet e bores e kane bere kalimin shume te rrezikshem. gjate gjithe dites se djeshme ne kete segment eshte hedhur kripe dhe eshte punuar per hapjen e qarkullimit.

Top Channel