Ombudspersoni: UNMIK, diskriminim ne Trepce

Raporti i bere publik ne Prishtine i referohet ceshtjes se Trepces, ku shqiptaret nuk kane marre te njejtin trajtim si punetoret serbe sa i takon pagave dhe pensioneve. Pas ankeses se punetoreve shqiptare se jane te diskriminuar ne marrjen e pagave mujore, si dhe ne perfitimin e te drejtes se pensionit Ombudspersoni konsideron qe UNMIK-u nuk i trajtoi ne menyre te barabarte punetoret, pasi qe nga viti 2000 ka  paguar vetem punetoret serbe te kompanise Trepca.

Ankesa eshte depozituar nga punetoret qe ne vitin 2004. por per Ombudspersonin Hilmi Jasharit nuk ka qene e lehte te merrte nje pergjigje nga institucionet nderkombetare. Sipas raportit, punetoret serbe nuk jane lejuar nga UNMIK-u te punoje per shkak te shkalles se rrezikshmerise per shendetin e tyre dhe jane kompensuar me shuma te caktuara parash ne forme te bursave mujore, duke filluar se pari nga UNMIK-u e me pas nga buxheti i konsoliduar i Kosoves.

Duke u nisur nga hetimet Ombudspersoni konkludon se trajtimi jo i barabarte i punetoreve serbe dhe shqiptare te Trepces eshte ne kundershtim me Konventen evropiane per mbrojtjen e te drejtave dhe lirive te njeriut.

Top Channel