Kuvendi ka miratuar ligjin e ri te sigurimeve shoqerore qe ul kontributet e sigurimeve shoqerore per biznesin nga 20 ne 15 per qind te totalit te listepageses.
Opozita mbeshtet ne parim politiken e uljes se taksave te punes, por ka abstenuar ne votim. Deputetja Ermelinda Meksi shpjegoi arsyet.
“Ajo qe ne duhet te diskutojme eshte pertej politikes fiskale. Politika sociale ca efekti do te jape tek pensionet? Edhe punetoret shqiptare, si homologet ne vendet e BE, kur merren ne pune duhet te jene te ndergjegjshem se sa do ta kene kontributin per sigurimet ne te ardhmen”, ka pohuar Meksi.
Por ministri i Financave, Ridvan Bode, thote se reforma e pensioneve nuk po pengohet nga qeveria, duke akuzuar opoziten se po e perdor kete ceshtje politikisht.
“Ne kemi pergatitur nje reforme teresore te diskutuar edhe me opoziten. Ju keni kerkuar qe bashkarisht ta fusim para zgjedhjeve, por preferuat qe ceshtjen e perfitimeve specifike ta perdorni si pjese te manipulimit tuaj elektoral”, eshte shprehur Bode.
Per vitin 2009, qeveria ka parashikuar ne buxhet qe te jape per skemen e pensioneve rreth 1 miliarde dollare subvencione per te mbyllur deficitin e krijuar mes te ardhurave nga sigurimet dhe shpenzimeve per pensionet.
Top Channel
