“Dosjet”, kritika dhe nga KE
31/01/2009 15:10
Reshje shiu dhe temperatura të larta, ja si parashikohet moti këtë të martë 06/05 07:29
Komisioni Europian do te shprehe nje qendrim per Ligjin e ri shqiptar te Lustracionit, pas bisedimeve qe perfaqesuesit e bllokut do te zhvillojne se shpejti me qeverine e Tiranes.
Duke folur per Deutsche Welle-n, zedhenesja e Komisionerit per Zgjerimin e BE-se Olli Rehn, Kristina Nagy tha se pa ditur rezultatin e ketyre bisedimeve nuk mund te flitet nese shqetesimet e BE per Ligjin e Lustracionit do te ndikojne ne ecurine e procesit te integrimit europian te Shqiperise.
Por nga ana tjeter ajo paralajmeron se per KE-ne ka shume rendesi pavaresia e sistemit gjyqesor. Ne raportin e Komisionit Europian per progresin e vendeve te Ballkanit Perendimor, thuhej se nuk perjashtohet pershpejtimi i ritmeve te afrimit te ketyre vendeve ne BE, nese plotesohen disa kushte te cilesuara ne kete raport “te domosdoshme”.
Ne krye te tyre qendron plotesimi i kriterit politik per integrimin ne BE, ku nje pike themelore eshte funksionimi i dialogut politik ne gjithe spektrin politik.
Sipas Deutsche Welle, per Komisionin Europian, Ligji i ri i Lustracionit, i sapohyre ne fuqi, perben pikerisht nje argument te fresket per moszbatimin e ketij kriteri.
Ligji eshte miratuar vetem me voten e maxhorances se djathte dhe palet deshtuan te ndertonin nje konsensus te gjere politik per kete ligj, te kerkuar nga BE dhe faktori nderkombetar.
Ne bisedimet e pritshme mes BE dhe qeverise se Tiranes per Ligjin e Lustracionit nje nga çeshtjet, qe do te behet objekt diskutimesh eshte edhe ajo e cenimit, qe ky ligj i ben pavaresise se sistemit gjyqesor nga politika.
“Per BE eshte shume i rendesishem nje gjyqesor i pavarur politikisht”, vazhdon ajo.
Deklarata e zedheneses vjen pas doreheqjes se nje prokurori ne Tirane, qe deri dje drejtonte grupin hetimor per zbardhjen e tragjedise se Gerdecit. Opozita konsideron se Zamir Shtylla dha doreheqjen si pasoje e presionit politik, qe ben Ligji i ri i Lustracionit mbi prokurore, qe po hetojne çeshtje te rendesishme, ku akuzohen per korrupsion zyrtare te larte te qeverise aktuale.
Mesazhi i BE permes zedheneses se Komisionerit te Zgjerimit eshte i qarte: Qeveria e Tiranes duhet te reflektoje shqetesimet e BE per te plotesuar ato qe konsiderohen “kushte te domosdoshme“ per progres drejt anetaresimit.
Sugjerimet per reflektim nga Brukseli vijne ne nje kohe kur qeveria shqiptare kerkon te beje nje hap domethenes: te aplikoje per te marre statusin e vendit kandidat me BE.
Top Channel
