Dekretohet pasaporta e Ahmet Jonuzit
30/01/2009 09:45
Video/ Moment epik gjatë festës së titullit, portieri Szczesny i ofron cigare 17-vjeçarit të Barcelonës 16/05 20:45
Ahmet Jonuzi merr pasaportën shqiptare. Presidenti i Republikës, Bamir Topi, ka dekretuar pajisjen me shtetësi shqiptare për sulmuesin kosovar.
20-vjeçari, që luan në Ukrainë me Vorskla Poltavën, është pjesë e ekipit Shpresa dhe cilësohet si një prej talenteve me të ardhme në futbollin tonë. Që prej nëntorit 2008 Jonuzi është bërë pjesë e përfaqësueses Under-21, të drejtuar nga trajneri Artan Bushati.
Ai debutoi në miqësoren që kuqezinjtë fituan 3-0 me Maqedoninë në fushën e këtyre të fundit, ku megjithëse nuk shënoi, la përshtypje shumë të mira te stafi teknik. Jonuzi bëhet lojtari i dytë kosovar, i cili pajiset me pasaportë shqiptare, duke milituar me kombëtaret e moshave.
“Tabuja” u thye nga portieri i Palermos, Saimir Ujkani, që pas disa ndeshjeve me 21-vjeçarët, tashmë është bërë pjesë e skuadrës së drejtuar nga holandezi Ari Han.
Top Channel
