Plagoset polici në operacion

Por, Marku menjëherë ka marrë automatikun dhe ka qëlluar në drejtim të patrullës së policisë duke lënë të plagosur oficerin e krimeve Agron Halilaj, 42-vjeç, me gradën nënkomisar. Në këto kushte, policia është kundërpërgjigjur me zjarr duke e plagosur Gazmir Markun, por ky i fundit, duke përfituar nga nata dhe terreni, ka mundur të largohet. Policia ka vazhduar të ndjekë gjurmët e gjakut të lëshuar prej tij dhe ka ushtruar kontrolle në disa banesa të afërta që mendohet se mund ta kenë strehuar.

Policia ka paralajmëruar banorët e zonës se do të mbajnë përgjegjësi penale siç e parashikon ligji për ata që strehojnë dhe ndihmojnë persona të kërkuar, ndërkohë që ka lajmëruar dhënien e 5 mijë eurove shpërblim për çdo person që mund të japë ndihmë në gjetjen e tij. Nën vëzhgimin e policisë janë edhe mjekët apo veterinerët e zonës që mund t’i japin ndihmën mjekësore të kërkuarit, pasi janë gjetur gjurmë të një gjakderdhjeje të madhe.

E gjithë zona pothuajse është rrethuar nga forcat RENEA dhe forca të tjera operacionale, ndërkohë që po bëhen kërkime edhe nga ajri me helikopterë. Policia mendon se i plagosuri është brenda rrethimit të saj.

Shkëmbimi i zjarrit ndodhi rreth orës 01 e 15 minuta ne zonën e ish-Kënetës. Policia shkoi për kontroll në banesën e Markut, pasi rreth orës 11 të mbrëmjes së të shtunës në fshatin Hamallaj ishin rrëmbyer një shumë prej 10 milionë lekësh një shtetasi dhe ishte dhunuar i zoti i shtëpisë.

Katër persona të maskuar u futën në shtëpinë e familjes Sallaku. Pasi kanë terrorizuar familjarët, kanë marrë shumën prej dhjetë milionë lekësh si edhe kanë qëlluar kryefamiljarin me qytat e armëve duke i dhënë plagë në kokë dhe trup. Isamil Sallaku ndodhet në spital jashtë rrezikut për jetën. Familjen e grabitur e ka vizituar ministri i Brendshëm Sajmir Tahiri duke i premtuar se shumë shpejt grabitësit do të bien në dorën e policisë.

Top Channel