Hagë, Mlladic në gjendje të rëndë
10/10/2011 18:10
Maqedonia e Veriut mban sot zgjedhjet presidenciale, partitë shqiptare garojnë me dy kandidatë 24/04 07:56
Ratko Mlladic, ish-komandant i trupave paraushtarake të serbëve të Bosnjes, ndodhet në gjendje të rëndë shëndetësore për shkak të disa problemeve në veshka.
Lajmin e ka bërë të ditur avokati i tij, Branko Lukic, për të përditshmen beogradase “Kurir”.
“Mlladic është në një gjendje shëndetësore shumë të rëndë si pasojë e një krize në veshka. Avokati i tij është shumë i shqetësuar”, shkruan gazeta.
Mlladic ndodhet në burgun e gjykatës ndërkombëtare të Hagës që prej muajit maj, kur dhe u arrestua pas rreth 15 vitesh arrati.
Ai po gjykohet për krime lufte, krime kundër njerëzimit dhe genocid, të ushtruar ndaj popullsisë joserbe të Bosnjes.
Ish-gjenerali konsiderohet gjithashtu si përgjegjësi kryesor për masakrën e Srebrenicës, në vitin 1995, kur u vranë në mënyrë barbare rreth 8 mijë myslimanë të Bosnjes.
Top Channel
