![](https://top-channel.tv/wp-content/uploads/2024/09/gj_sd-1-1-800x450.jpg)
07/09 14:45
Banorët e fshatit Arapaj në Roskovec nuk arritën t’i gëzohen rrugës së re, që e kishin kërkuar prej shumë vitesh.
Në fshat janë ende të tronditur nga aksidenti që ndodhi mbrëmjen e së dielës, e që siç thonë ata u mori dy djemtë më të mirë.
Dy kushërinjtë Amarildo, 29 vjeç, dhe Festim Dogani, 21 vjeç, po ecnin në trotuar, kur u përplasën nga një automjet që lëvizte me shpejtësi në një zonë të banuar.
Në Arapaj, të gjithë janë në panik nga rreziku që u erdhi bashkë me asfaltin. Shkolla fillon së shpejti dhe godina ku mësojnë 500 nxënës ndodhet buzë rrugës.
Banorët kërkojnë vendosjen e ndriçimit, sinjalistikës, si dhe pengesave në rrugë, por edhe më shumë kontrolle nga Policia e Shtetit.
Top Channel