Pavarësia e Katalonjës, Juncker: Jam shumë i shqetësuar

19/11/2017 11:17
epa06285475 Jean-Claude Juncker, President of the European Commission, delivers his speech at the European Parliament in Strasbourg, France, 24 October 2017 during the debate on a roadmap for the future of Europe. EPA/PATRICK SEEGER

Presidenti i Komisionit Europian, Jean Claude Juncker, në një intervistë për të përditshmen spanjolle “El Pais” ka shprehur sërish shqetësimin për situatën në Katalonjë.

“Katalonja është një shqetësim i madh, shumë i madh. Nuk më pëlqen situata që ka krijuar, është një katastrofë”, ka thënë Juncker.

Për presidentin e KE, rasti i saj ka tensionuar atmosferën politike, ka shkaktuar një frakturë të brendshme në shoqërinë spanjolle dhe atë katalanase, si dhe ka krijuar probleme në familje dhe mes miqve.
“Është shumë e trishtueshme. Kjo nuk duhet të kishte ndodhur kurrë. Nacionalizmi është një helm i vërtetë”, ka thënë Juncker.

“Jashtë Europës më pyesin nëse Spanja ndodhet në një gjendje dekompozimi, nëse vendi po ndahet në dysh. Unë u them jo, se shumica e spanjollëve është kundër pavarësisë dhe se as shumica e njerëzve në Katalonjë nuk është e bindur”, ka vijuar presidenti i KE.

Ai ka shtuar se dy qeveritë, ajo katalanase dhe ajo iberike, mund të diskutojnë nivelin e autonomisë, por Europa është një klub kombesh dhe është e papranueshme që rajonet të dalin kundër kombeve.

Top Channel