PD: Imuniteti të votohet më 6 gusht

Me këtë përkufizim Partia Demokratike bëri të qartë se nuk ka ndërmend të mbështesë asnjë prej propozimeve të opozitës, e cila kërkon votimin me 3/5 të anëtarëve të Gjykatës së Lartë, Gjykatës Kushteuese, anëtarëve të KLD-së, rregullores së Kuvendit dhe Prokurorit të Përgjithshëm.

“Pra, për rrëzimin e murit të imunitetit, Këshilli i miliarderëve kërkon të vendosë në zyrat e Fidelit, Presidentin e Republikës dhe Krytarin e Gjykatës së Lartë dhe atë të Gjykatës Kushtetuese dhe të gjithë gjykatësit e tyre, Prokurorin e Përgjithshëm dhe Kryetarin e Kontrollit të Lartë të Shtetit, në mënyrë që kjo Kupolë të ketë të garantuar pasurimin e tyre të paligjshëm, dhe pavarësisht se për cilën forcë politike votojnë qytetarët, ata të bëjnë ligjin me Kushtetutën e sundimit të pakicës”, thuhet në deklaratën e PD-së.

Megjithëse zoti Rama bëri të qartë të shtunën se Partia Socialiste kërkon që ndryshimet e tjera kushtetuese të kalojnë bashkë me imunitetet, demokratët nuk nguruan të përsërisin ftesën për votë unanime më 6 gusht vetëm për cështjen e imuniteteve.

“Partia Demokratike i bën thirje dhe një herë z. Rama: Degjojë zërin e qytetarëve shqiptarë që duan barazi para ligjit me zyrtarët e tyre. dhe të votojmë së bashku me 6 Gusht heqjen, apo sipas rastit, kufizimin e imunitetit si një histori suksesi per çdo qytetar të këtij vendi”, deklaroi zëdhënësja e demokratëve.

Edhe LSI-ja kërkoi që në seancën e 6 gushtit të votohet heqja e imunitetit dhe reforma parlamentare për të përmbushur kështu 2 prej kushteve të vendosura nga Brukseli për marrjen e statusit të vendit kandidat.

“LSI kërkon sot publikisht që me intensitet, vullnet, dëshirë për konsensus dhe me konstruktivitet të punohet dhe përmbyllet reforma parlamentare në mënyrë që 6 gushti të shënojë një ditë të rëndësishme të parlamentit shqiptar për votimin e të dy këtyre momenteve të rëndësishme, imuniteti dhe reformës parlamentare. Besoj që edhe kësaj sfide, edhe këtij detyrimi madhor, një nga tre kushtet, së bashku me reformën zgjedhore tashmë të miratuar mund të kthehen ato përgjigje, mund të tregohet ajo përgjegjshmëri që shqiptarët dhe Europa pret nga ne dhe ku ne nuk kemi më të drejtë të humbasim kohë sepse kjo është shanse të humbura për Shqipërinë dhe shqiptarët”, deklaroi nënkryetari LSI-së, Petrit Vasili.

Top Channel