Lajmet e Fundit

Gjermania është duke u përballur me rritje të shkallës së përhapjes së koronavirusit, pas lehtësimit të masave të izolimit, duke rritur shqetësimet se virusi mund të përhapet sërish në shtetet që u japin fund ndalesave.

Pas rasteve të reja, te cilat rikthyen frikën e koronavirusit në Kinën që mendoi se kishte shpëtuar prej saj, Wuhani mësohet se po planifikon testimin e të 11 milionë banorëve të tij.

Një tjetër viktimë është shënuar në Kosovë si pasojë e virusit të ri Covid-19.

Ndërkohë që shumë vende kanë liruar masat izoluese, numri i rasteve të reja dhe vdekjeve nga Covid-19 vazhdon të rritet Së fundmi numri i rasteve në mbarë botën ka shkuar në 4 milon e 256 mijë e 123.

Një tjetër ‘përplasje’ ka ndodhur mes presidentit të Shteteve të Bashkuara të Amerikës, Donald Trump dhe një gazetareje.

94 persona janë infektuar në klubet e natës në Seul të Koresë së Jugut. Kjo rritje e numrit të rasteve erdhi pasi qeveria në Korenë e Jugut lehtësoi masat për distancimin social.

Administrata Trump është përqëndruar tek hapja e ekonomisë dhe vendimet e shteteve për të lehtësuar kufizimet ndërsa po përballet me raste infeksionesh me koronavirus në mesin e stafit të Shtëpisë së Bardhë.

FBI dhe Departamenti i Sigurisë së Brendshme së SHBA-së kanë akuzuar hakerët kinezë që po përpiqeshin të vidhnin informacione rreth kërkimeve amerikane mbi vaksinën kundër-Covid 19.

Nuk merr fund deri sa të mbarojë. Kështu tha presidenti koreano-jugor, Moon Jae In, të dielën, pasi një vatër e re rastesh koronavirusi u shfaq në kryeqytetin Seul duke ndezur frikën e një vale të dytë infektimesh në vendin e Azisë Lindore.

Franca ka nisur me kujdes zbutjen e kufizimeve me miliona persona që mund të kthehen tani në punë pas tetë javësh izolim.

Italia ka regjistruar 24 orët e shkuara 179 viktima të reja të koronavirusit, një rritje e lehtë kjo krahasuar me atë të një dite më parë.

Shkon në 30.739 numri i viktimave si pasojë e virusit të ri Covid-19, në Itali.

Një studim i ri ka gjetur se Sars-CoV-2, virusi që shkakton Covid-19, mund të ketë origjinën nga kombinimi i virusit të lakuriqëve dhe pangolinëve.

Bashkimi Evropian ka njoftuar se të gjitha vendet anëtare duhet të rrisin nivelin e tyre të gadishmërisë kundër një vale të dytë të mundshme të koronavirusit të ri (COVID-19).

Shumë vende evropiane, duket se kanë nisur të lehtësojnë masat shtrënguese, të ndërmarra gjatë pandemisë së koronavirusit.

Numri i të vdekurve nga koronavirusi i ri në Britaninë e Madhe është rritur në 32.065, me një rritje prej 210 në 24 orët e fundit.

Raste të reja me koronavirus u raportuan të hënën në Wuhan të Kinës. Rasti i parë qysh më 3 prill, ndërsa sot janë konfirmuar edhe pesë raste të tjera.

Sipas një studimi të bërë nga Universiteti i Glasgow, edhe pse numri i të infektuarve nga koronavirusi nuk duhet nënvlerësuar, fokusi gjithashtu duhet të jetë edhe tek pasojat që do t’i lë ky virus tek të shëruarit.

Vazhdon të rritet numri i rasteve dhe viktimave nga koronavirusi. Sipas raportimeve të fundit numri i rasteve në mbarë botën ka shkuar në 4 milion e 101 mijë e 974. Numri i të vdekurve ka shkuar në 280 mijë e 451 persona.

Procesi i testimit gjatë të cilit vullnetarët infektohen qëllimisht me Covid-19 mund të përshpejtojë zhvillimin e vaksinave, sipas Organizatës Botërore të Shëndetësisë, e cila ka nxjerrë udhëzime të reja se si kjo qasje mund të justifikohet nga pikëpamja etike, pavarësisht rreziqeve të mundshme për pjesëmarrësit.

“Të sëmurët tani janë shumë ndryshe nga ata të tre apo javëve më parë, vazhdojnë të zvogëlohen shifrat në terapitë intensive dhe po mbërrijnë gjithmonë e më pak njerëz në gjendje të rëndë me vështirësi të mëdha në frymëmarrje. Situata ka ndryshuar kudo, jo vetëm në Bergamo e Milano, por edhe në Romë e Napoli”.

Ministri i Jashtëm gjerman, Heiko Maas tha se duhet pranuar se Europa nuk ishte “e përgatitur mirë” për pandeminë e koronavirusit.

150 persona do të kthehen sot rreth orës 13:30 nga Shtetet e Bashkuara të Amerikës në Kosovë. Ata sipas procedurave pritet t’i nënshtrohen karantinimit, ku do të qëndrojë vetëm 7 ditë.

Brazili konfirmoi një shifër rekord prej 751 viktimash në 24 orët e fundit si pasojë e koronavirusit të ri (COVID-19.

Autoriteti amerikan që dekreton medikamentet (FDA) ka miratuar testin e parë që përdor sekuencat e ADN-së të quajtura CRISPR që mund të gjejnë koronavirusin.

Sipas të dhënave më të fundit në faqen “worldometers” tregohet se numri i vdekjeve ka shkuar në 276,253, ndërsa numri i rasteve pozitive me Covid-19 në 4,014,500 dhe numri i të shëruarve në 1,387,259, në të gjithë botën.

Vazhdon të rritet numri i rasteve dhe viktimave nga koronavirusi. Sipas raportimeve të fundit numri i rasteve në mbarë botën ka shkuar në 4 milion e 14 mijë e 436. Numri i të vdekurve ka shkuar në 276 mijë e 251 persona.

Administrata federale e Shteteve të Bashkuara ka sinjalizuar probleme serioze me testet për antitrupa kundër koronavirusit. Sipas raporteve në treg aktualisht qarkullojnë mbi 150 teste dhe shumë prej tyre japin rezultate fallso. Administrata njoftoi rregullore më strikte këtë javë për kompanitë që prodhojnë këto teste. Siç njofton kolegia Ardita Dunellari, ekspertët e shëndetit publik paralajmërojnë se testet e antitrupave nuk duhet të përdoren si garanci mbrojtëse nga koronavirusi.

Presidenti i Shteteve të Bashkuara të Amerikës ka ndryshuar totalisht retorikën e tij në lidhje me pandeminë e koronavirusit. Më herët Trump po luftonte që SHBA të ishte e para që do krijonte vaksinën ndaj virusit vdekjeprurës, ndërsa tani ai i ka shokuar të gjithë me deklaratat e tij.

Ministri turk i Industrisë dhe Teknologjisë, Mustafa Varank, tha se shkencëtarët turq kanë arritur në fazën e eksperimentimit tek kafshët për të zhvilluar një vaksinë kundër koronavirusit të ri (COVID-19).