Një ngjarje e rëndë ka ndodhur në Gjirokastër, ku bashkëpronari i një hoteli ka rënë nga tarraca e kësaj të fundit dhe është dërguar në gjendje kritike në spital, por nuk ka arritur dot t’i mbijetojë plagëve të marra.
Mësohet se K.S., 60 vjeç, gjendej në tarracë dhe më pas ka rënë nga një lartësi gati 15 metra.
Në vendngjarje ka shkuar autoambulanca, e cila ka transportuar në gjendje mjaft kritike për jetën 60-vjeçari, i cili nuk mbijetoi.
Grupi hetimor po heton arsyet e këtij aksidenti.
Njoftimi:
Rreth orës 10:45, në lagjen “Virua”, dyshohet se ka rënë aksidentalisht nga tarraca e hotelit në pronësi të tij, shtetasi K. S., 60 vjeç, i cili ka humbur jetën në spital.
Grupi hetimor po punon për zbardhjen dhe dokumentimin e rrethanave të rastit.
Top Channel
