Analiza nga REL: Si e forcoi imazhin diplomatik Pakistani duke ndërmjetësuar armëpushimin SHBA-Iran 09/04 09:08
Donald Trump ka lëshuar kërcënime të reja ndaj Iranit, duke paralajmëruar përdorimin e forcës ushtarake nëse Teherani nuk i përmbahet kushteve të armëpushimit të arritur 24 orë më parë.
Në një postim në platformën Truth Social, Trump deklaroi se të gjitha anijet, avionët dhe personeli ushtarak amerikan do të mbeten në gatishmëri në dhe rreth Iranit, të pajisur me municione dhe armë shtesë për “ndjekjen dhe shkatërrimin e një armiku tashmë të degraduar ndjeshëm”.
Ai theksoi se nëse marrëveshja nuk zbatohet plotësisht, “të shtënat do të fillojnë më të mëdha, më të mira dhe më të fuqishme se kurrë më parë”, duke lënë të hapur mundësinë e një përshkallëzimi të ri të konfliktit.
𝗗𝗼𝗻𝗮𝗹𝗱 𝗝. 𝗧𝗿𝘂𝗺𝗽 𝗧𝗿𝘂𝘁𝗵 𝗦𝗼𝗰𝗶𝗮𝗹 𝗣𝗼𝘀𝘁 𝟭𝟭:𝟰𝟲 𝗣𝗠 𝗘𝗦𝗧 𝟬𝟰.𝟬𝟴.𝟮𝟲
All U.S. Ships, Aircraft, and Military Personnel, with additional Ammunition, Weaponry, and anything else that is appropriate and necessary for the lethal prosecution and…
— Commentary Donald J. Trump Posts From Truth Social (@TrumpDailyPosts) April 9, 2026
Sa i përket përmbajtjes së armëpushimit, Trump pretendoi se ai ishte rënë dakord prej kohësh, duke nënvizuar se nuk do të lejohet zhvillimi i armëve bërthamore dhe se Ngushtica e Hormuzit do të mbetet e hapur dhe e sigurt.
Deklaratat e tij vijnë në një moment paqartësie mbi qëndrimin e Iranit, pasi raportet mediatike dhe reagimet nga autoritetet iraniane kanë ngritur dyshime mbi atë që është rënë dakord realisht në negociata.
Në fund të reagimit të tij, Trump shtoi se ushtria amerikane është në pritje dhe e gatshme për veprime të mëtejshme, duke rritur tensionet në një rajon tashmë të brishtë.
Top Channel
