Seancë maratonë/ Miratohet projektligji për parandalimin e pastrimit të parave dhe portet turistike, rrëzohet ngritja e komisionit hetimor ndaj AKSH-it
09/04 21:26
Ambasadori i BE-së në Shqipëri, Silvio Gonzato, zhvilloi sot një takim me kreun e “Shqipëria Bëhet”Adriatik Lapajn, dhe drejtuesin e Lëvizjes “Bashkë”, Arlind Qorin, ku fokusi i bisedimeve ishte pluralizmi politik dhe reforma zgjedhore.
Ambasadori Gonzato u shpreh se një kuadër zgjedhor i drejtë dhe transparent siguron që përfaqësimi në parlament të pasqyrojë zgjedhjet e votuesve.
“Biseda të vlefshme sot me Adriatik Lapajn e ‘Shqipëria Bëhet’ dhe Arlind Qorin e ‘Lëvizja Bashkë’, ku ramë dakord se një demokraci e shëndetshme ndërtohet mbi pluralizmin. Bashkëjetesa e zërave të ndryshëm politikë ndihmon në pasqyrimin e strukturës së shoqërisë, siguron përfaqësim të drejtë dhe rrit besimin e publikut.
Çdo votë e hedhur duhet të ketë të njëjtën peshë, në mënyrë që rezultatet zgjedhore të pasqyrojnë vullnetin e qytetarëve.
Prandaj reforma zgjedhore ka rëndësi. Një kuadër zgjedhor i drejtë dhe transparent siguron që përfaqësimi në parlament të pasqyrojë zgjedhjet e votuesve. Ai fuqizon qytetarët, nxit pjesëmarrjen dhe forcon llogaridhënien”, tha ambasadori Gonzato.
Top Channel
