Astronautët e Artemis II shohin për herë të parë anën e largët të Hënës, NASA publikon pamje të rralla

NASA publikoi imazhe nga dita e katërt e misionit, më 5 prill, ku ekuipazhi arriti të shohë një pamje të rrallë të Toka dhe Hënës njëkohësisht, pak para afrimit më të afërt që ndodhi një ditë më pas.

Pamjet e realizuara nga brenda Orionit tregojnë Tokën në një kënd spektakolar, ndërsa një simulim i publikuar nga NASA përmbledh në një video të shkurtër atë që astronautët shohin gjatë fluturimit pranë Hënës.

Sipas agjencisë hapësinore, ekuipazhi është trajnuar për vite me radhë për të shfrytëzuar çdo mundësi vëzhgimi, ndërsa shkencëtarët në qendrën e kontrollit në Hjuston kanë kombinuar të dhëna nga orbita e Orionit dhe nga Lunar Reconnaissance Orbiter për të krijuar një pasqyrë të detajuar të misionit.

History in the making

In this new image from our @NASAArtemis II crew, you can see Orientale basin on the right edge of the lunar disk. This mission marks the first time the entire basin has been seen with human eyes. pic.twitter.com/iqjod6gqgz

— NASA (@NASA) April 5, 2026

Një nga momentet më të veçanta ishte kontakti i parë vizual me anën e largët të Hënës, e cila nuk është e dukshme nga Toka. Specialistja e misionit, Christina Koch, e përshkroi pamjen si “absolutisht mahnitëse”, duke theksuar ndryshimin e madh nga ajo që njerëzit shohin zakonisht nga planeti ynë.

Thanks to our @NASAArtemis II astronauts for working on the weekend!
The fourth day of their mission brought more crew preparations for Monday's trip around the Moon and stunning new images from their vantage point. What views are you most excited to see? pic.twitter.com/CFmFYQRmYT

— NASA (@NASA) April 5, 2026

NASA publikoi gjithashtu një imazh të pellgut Orientale, një krater gjigant me shumë unaza, i krijuar nga përplasja e një asteroidi, duke shënuar herën e parë që kjo zonë është vëzhguar drejtpërdrejt nga sytë e njeriut.

Ndërkohë, astronauti Reed Wiseman theksoi se pamja e Tokës dhe Hënës në të njëjtën kohë është “vërtet mahnitëse”, duke përshkruar një moment unik ku Toka ishte pothuajse në eklips, ndërsa Hëna pothuajse plotësisht e ndriçuar.

POV: You're flying by the Moon.

This visualization is designed to show you what exactly the Artemis II astronauts will see outside their window during their lunar flyby.

Here, the seven-hour visualization is compressed into 28 seconds. ⬇ (1/4) pic.twitter.com/2OMAy37oht

— NASA Solar System (@NASASolarSystem) April 5, 2026

Gjatë fluturimit, ekuipazhi do të zhvillojë një program intensiv vëzhgimesh shkencore, duke përfshirë monitorimin e sipërfaqes hënore dhe vizitën vizuale të zonave ku kanë zbritur misionet Apollo 12 dhe Apollo 14.

Misioni pritet të vijojë me vëzhgime të tjera të rëndësishme, përfshirë edhe një moment unik ku Dielli do të zhduket pas Hënës, duke krijuar një eklips të dukshëm nga një kënd i rrallë në hapësirë.

Top Channel