Bashkësitë fetare fonde nga Qeveria, Këshilli i Ministrave vendos përcaktimin e financimit nga Buxheti 2026 01/04 19:45
Një moment i tmerrshëm është regjistruar nga një kamera mbikëqyrëse në stacionin e trenit Northgate në Seattle, ku një pasagjer u shty drejt shina ndërsa treni po afrohej.
Peter Walbran, i cili po priste trenin, u përball me sulmin e papritur, por arriti të mbajë ekuilibrin dhe të shmangte rënien mbi shina. Menjëherë pas incidentit, ai e ndoqi sulmuesin.
Policia identifikoi agresorin si Elisio Melendez, 26 vjeç, i cili po fshihej pas një ashensori duke përdorur telefonin e tij. Oficerët e gjetën më pas Melendez në një qendër shëndetësore mendore dhe e akuzuan për tentativë vrasjeje. Ai i tha policisë se burri në videon e kamerave ishte dikush që “ndoshta dukej si ai” ose “vëllai im binjak që nuk e kam”.
Melendez nuk ka precedentë penalë të mëdhenj, por më 2019 ishte akuzuar për sulm të shkallës së dytë dhe dhunë në familje, pas një incidenti ku kishte goditur motrën e tij me thikë.
Incidenti ka shkaktuar shqetësim të madh në komunitet, duke ngritur pyetje për sigurinë në stacionet e trenit dhe nevojën për kontrolle më të rrepta.
Top Channel
