Iu gjetën 10 kg kanabis me vete, vihet në pranga 41-vjeçari në Shkodër
01/04/2026 09:43
Qëndronte i armatosur në lokal, arrestohet 36-vjeçari në Fushë Krujë 01/04 11:25
Një 41-vjeçar është arrestuar në Shkodër pas një operacioni policor për lëndët narkotike.
Nga ky operacion janë sekuestruar rreth 10 kilogramë lëndë e dyshuar narkotike Cannabis Sativa, 1 automjet me targa të huaja dhe 2 motobarka.
Si rezulat i hetimeve të kryera nga Seksioni për Hetimin e Narkotikëve, nën drejtimin e Prokurorisë Shkodër për një rast të veprimtarisë kriminale në fushën e narkotikëve, u finalizua operacioni i koduar “Kosani”, në kuadër të të cilit u arrestua shtetasi: Astrit Shekaj, 41 vjeç, banues në fshatin Aliaj.
Gjatë kontrollit në banesën e vjetër të këtij shtetasi, u gjet një qese me lëndë të dyshuar Cannabis Sativa, me peshë rreth 10 kilogramë, e cila u sekustrua në cilësinë e provës materiale.
Gjithashtu, u sekuestruan në cilësinë e provës materiale, një automjet me targa të huaja dhe 2 motobarka që dyshohet se ky shtetas do t’i përdorte për trafikimin e lëndës narkotike.
Materialet procedurale i kaluan Prokurorisë, për hetime të mëtejshme.
Top Channel
