LIVE/ Trump: Arritëm marrëveshje 15-pikëshe me Iranin, nuk ka më armë bërthamore! Bie nafta, sulmet kundër objekteve energjetike ndalen për pesë ditë. Teherani: Lajme të rreme 23/03 22:57
Një stjuardesë është gjetur e gjallë, e lidhur në sediljen e saj, e cila kishte përfunduar jashtë avionit pas rrëzimit të avionit në Nju Jork.
Sipas raportimeve, sedilja e saj kishte rënë përmes një grope të krijuar në dyshemenë e avionit gjatë përplasjes. Ajo ka pësuar lëndime serioze, por ndodhet jashtë rrezikut për jetën.
Avioni, me 73 pasagjerë dhe katër anëtarë ekuipazhi në bord, kishte ulur fillimisht në mënyrë të sigurt pas një fluturimi nga Montreal mbrëmjen e së dielës. Megjithatë, gjatë lëvizjes në pistë, ai u përplas me një mjet shërbimi, duke udhëtuar me rreth 160 km/h.
Si pasojë e incidentit, 43 persona u dërguan në spital me lëndime të ndryshme, nga fraktura deri në mavijosje. Shumica prej tyre janë liruar tashmë, ndërsa nëntë persona vijojnë të marrin trajtim mjekësor. Dy punonjës të zjarrfikëses ndodhen në gjendje të qëndrueshme.
Ndërkohë, audio nga kulla e kontrollit ka regjistruar momente tensioni, ku dëgjohet një alarm i fortë dhe thirrje të përsëritura për të ndaluar një mjet që po hynte në pistë, pak para përplasjes.
Top Channel
