Kërcënimet e Trump për ishullin Kharg, Irani i përgjigjet Presidentit amerikan: Nëse kaloni aty, do ta zgjerojmë konfliktin në Detin e Kuq 21/03 17:03
Ushtria amerikane ka deklaruar se aftësia e Iran për të kërcënuar lundrimin në Ngushticën e Hosrmuzit është dobësuar ndjeshëm pas bombardimeve të fundit të kryera nga SHBA.
Sipas Komandës Qendrore të SHBA-s (Centcom), sulmet kanë shkatërruar një strukturë nëntokësore ku ruheshin raketa lundrimi dhe armë të tjera, si dhe infrastrukturë mbështetëse për inteligjencën dhe sistemet e radarëve.
Komandanti i Centcom, Brad Cooper, tha se përveç objektit kryesor janë goditur edhe stacione radarësh dhe qendra monitorimi që përdoreshin për të ndjekur lëvizjet e anijeve në rajon. Ai theksoi se SHBA-të do të vazhdojnë të synojnë objektiva të ngjashëm.
Në të njëjtën deklaratë, Cooper bëri të ditur se mbi 8,000 objektiva ushtarake iraniane janë goditur deri më tani, përfshirë rreth 130 anije.
Ngushtica e Hormuzit është një nga rrugët detare më të rëndësishme në botë për transportin e naftës, dhe çdo përshkallëzim i tensioneve në këtë zonë ka ndikim të drejtpërdrejtë në sigurinë dhe ekonominë globale.
Top Channel
