Dita e Verës është një festë e lashtë pagane që është ruajtur ndër breza dhe e ndërthurur me elementë moderne, po festohet nga qytetarët në qendër të Tiranës me program të pasur aktivitetesh kulturore, artistike, sportive dhe gastronomike të shpërndara në disa nga hapësirat kryesore të qytetit.
Një nga atraksionet kryesore është ekspozimi i makinave retro të dekoruara me lule natyrale në Sheshin Skënderbej, që tërhoqi vëmendjen edhe të turistëve.
Festa nis në Parkun Europa me muzikë nga artistët e rinj dhe dhe vijon me aktivitete pranë ministrive të fokusuara në promovimin e projekteve artistike nga fëmijët, që e shijojnë këtë ditë më shumë se çdokush.
Artizanët ekspozuan punimet e tyre në panairin e instaluar në Bulevardin Dëshmorët e Kombit, ndërsa Sheshi Nënë Tereza i dedikohet tërësisht sporteve për të gjitha grupmoshat.
Me muzikë tradicionale dhe këngë moderne, dita që simbolizon gëzimin dhe shpresën bëri bashkë fëmijë e të rritur.
Festa do të kulmojë në mbrëmje me Street Party në zonën e Ish-Bllokut, e cila do të nisë në orën 12:00 dhe do të zgjasë deri në mesnatë, me performanca nga artistë dhe DJ të ndryshëm.
Top Channel
