LIVE/ Lufta në Iran, shpërthime të fuqishme në Teheran dhe Dubai! Aeroplani amerikan i furnizimit me karburant rrëzohet në Irak 13/03 08:52
Të paktën katër persona humbën jetën dhe 15 të tjerë u plagosën pas një sulmi ajror të kryer nga Pakistani që goditi shtëpi civile në kryeqytetin e Afganistanit, Kabul, sipas autoriteteve talebane.
Zëdhënësi i policisë në Kabul, Khalid Zadran, bëri të ditur se sulmi ndodhi në zonën Guzar të distriktit të 21-të të qytetit dhe se ndër viktimat ka edhe gra dhe fëmijë.
Ndërkohë, një zyrtar i lartë i sigurisë në Pakistan konfirmoi për agjencinë Agence France-Presse se forcat ajrore pakistaneze kanë kryer sulme në territorin e Afghanistan, duke goditur “objektiva specifike të lidhura me talebanët pakistanezë”.
Sources told TOLOnews that three civilians were martyred and 15 others injured in an airstrike by the Pakistan military regime in the Pul-e-Charkhi area of Kabul city’s 21st police district.
So far, no official sources have commented on the incident.#TOLOnews_English pic.twitter.com/Psum80hDbP
— TOLOnews English (@TOLONewsEnglish) March 12, 2026
Sipas tij, objektivat kishin lidhje me grupin e armatosur të njohur si Tehrik-i-Taliban Pakistan, i cili ka marrë përgjegjësinë për një seri sulmesh vdekjeprurëse në Pakistan në muajt e fundit.
Nga ana tjetër, qeveria de facto talebane në Afganistan deklaroi se sulmet ajrore kanë goditur jo vetëm Kabulin, por edhe qytetin e Kandahar dhe provincat kufitare Paktia dhe Paktika, duke shkaktuar viktima në disa zona.
Zëdhënësi i qeverisë talebane, Zabiullah Mujahid, tha se në mesin e të vrarëve ka gra dhe fëmijë, megjithëse nuk dha një numër të saktë të viktimave.
Deri më tani, qeveria pakistaneze nuk ka bërë një deklaratë zyrtare për bombardimet, ndërsa përkeqësimi i marrëdhënieve mes dy vendeve ka shtuar shqetësimet për një përshkallëzim të tensioneve në rajon. Autoritetet afgane kanë nisur hetime për të përcaktuar rrethanat dhe shkaqet e sulmit.
Top Channel
