PS rrëzon me 82 vota kërkesën e SPAK për arrestimin e Ballukut. Reagojnë ambasadat e vendeve të BE-së, përgjigjet Rama: Nuk ka akuzë për korrupsion
12/03 20:30
Ministri për Evropën dhe Punët e Jashtme, Ferit Hoxha, zhvilloi një takim me të Ngarkuarën me Punë të Shteteve të Bashkuara të Amerikës në Shqipëri, Nancy VanHorn.
Përmes një postimi në rrjetet sociale, Hoxha bëri të ditur se gjatë takimit u rikonfirmua partneriteti i fortë mes dy vendeve, si dhe bashkëpunimi i ngushtë dhe miqësia e kahershme.
“Shtetet e Bashkuara mbeten një aleat kyç dhe partner strategjik për Shqipërinë”, theksoi ai, duke nënvizuar edhe aleancën e palëkundur mes dy vendeve.
“Gjatë takimit rikonfirmuam partneritetin e fortë dhe të qëndrueshëm ndërmjet dy vendeve tona, bashkëpunimin e ngushtë dhe miqësinë e kahershme, si edhe aleancën tonë të palëkundur në kuadër të NATO-s. Shtetet e Bashkuara të Amerikës mbeten një aleat kyç dhe partner strategjik për Shqipërinë.
Diskutuam gjithashtu zhvillimet më të fundit në fushën e sigurisë rajonale dhe globale, përfshirë situatën aktuale në Lindjen e Mesme. Shqipëria qëndron përkrah aleatëve të saj në mbështetje të përpjekjeve për të parandaluar regjimin iranian nga sigurimi i armëve bërthamore apo armëve të tjera të shkatërrimit në masë, si dhe për të garantuar paqen dhe stabilitetin rajonal dhe ndërkombëtar. Siguria e aleatëve tanë mbetet e panegociueshme.
Po ashtu, shkëmbyem pikëpamje mbi thellimin e mëtejshëm të bashkëpunimit tonë, rëndësinë e forcimit të sigurisë rajonale, rritjen e qëndrueshmërisë demokratike dhe avancimin e rrugëtimit të Shqipërisë drejt anëtarësimit në Bashkimin Evropian.”, shkruan Hoxha.
Top Channel
