Nga pushteti absolut në një qeli izolimi, jeta e re e Nicolas Maduros në burgun e sigurisë së lartë në Brooklyn 12/03 14:00
Presidenti i SHBA-së, Donald Trump, ka emëruar Erica Kirk, të venë e ndikuesit ultrakonservator të vrarë, Charlie Kirk, në bordin e guvernatorëve të Akademisë së Forcave Ajrore të SHBA-së, një nga shkollat ushtarake më prestigjioze në Shtetet e Bashkuara, raportuan mediat amerikane dje, të mërkurën.
“Presidenti Trump bëri zgjedhjen e përsosur duke emëruar Erica Kirk” në bordin e guvernatorëve të Akademisë së Forcave Ajrore të SHBA-së, tha zëdhënësja e Shtëpisë së Bardhë, Olivia Wales, për USA Today.
Emri i 37-vjeçares Erica Kirk shfaqet në faqen zyrtare të internetit të Bordit të Guvernatorëve të kësaj akademie ushtarake me seli në Colorado Springs (Shtetet e Bashkuara perëndimore).
Bordi i Guvernatorëve të Akademisë së Forcave Ajrore të Shteteve të Bashkuara përbëhet nga 16 anëtarë dhe mbikëqyr të etikës, disiplinës, kurrikulat, stërvitjen, pajisjet, çështjet financiare dhe metodat akademike të këtij institucioni ushtarak. Ai i bën rekomandime Departamentit të Mbrojtjes çdo vit.
Charlie Kirk ishte anëtar i këtij bordi deri në vrasjen e tij në shtator në një kampus në Utah (Shtetet e Bashkuara qendrore).
Pas vdekjes së burrit të saj, Erica Kirk mori përsipër udhëheqjen e lëvizjes së tij, Turning Point USA, një organizatë rinore konservatore.
Top Channel
