PS rrëzoi me 82 vota kërkesën e SPAK për arrestimin e Ballukut, deputeti Kapri: Shikoni ç’bëhet, i gjithë shteti… 12/03 14:15
Presidenti i Republikës, Bajram Begaj, priti sot në një takim Kryetaren e Komunës së Preshevës, Ardita Sinani.
Biseda u fokusua në çështjet që shqetësojnë shqiptarët e Preshevës, mbrojtjen dhe respektimin e të drejtave dhe lirive themelore që u takojnë, si edhe mbështetjen për zhvillimin ekonomik të tyre.
Presidenti i Republikës siguroi Kryetaren e Komunës së Preshevës se Shqipëria ka qenë dhe do të mbetet zëri i shqiptarëve në Preshevë, në Bujanoc e Medvegjë.
“Do të vijoj të bëj prezent në të gjitha organizatat ndërkombëtare dhe në të gjitha takimet e mia me partnerët shqetësimet e shqiptarëve të Luginës së Preshevës në mbrojtje të të drejtave të tyre.”, u shpreh Presidenti Begaj.
Në takim u theksua angazhimi i Shqipërisë në betejën kundër pasivizimit të adresave të shqiptarëve që jetojnë në Serbi, e cila sjell mohimin e të drejtave themelore të tyre, nga e drejta e votës, deri te kujdesi shëndetësor, arsimimi dhe përfaqësimi i shqiptarëve në institucionet e vendit ku jetojnë.
Kreu i Shtetit përgëzoi gjithashtu, futjen ne progres raportin e Bashkimit Evropian të problematikave në Luginë, përpjekjet për dërgimin e çështjes në Gjykatën Evropiane për të Drejtat e Njeriut dhe pranimin e padisë nga ky organizëm për pasivizimin e adresave, si një hap i rëndësishëm drejt vendosjes së drejtësisë mbi respektimin e të drejtave themelore të qytetarëve shqiptarë në Serbi.
Po ashtu, Presidenti i Republikës vlerësoi sensibilizimin që po i bëjnë kësaj çështjeje ligjvënësit amerikanë, të cilët po kërkojnë shqyrtimin e këtyre shqetësimeve nga DASH.
Presidenti Begaj vlerësoi se çështjet që lidhen me identitetin tonë kombëtar dhe kulturor duhet të bëjnë bashkë faktorët në Luginën e Preshevës duke këshilluar forcimin e bashkëpunimit.
Top Channel
