Izraeli nis një valë të re sulmesh drejt Bejrutit, objektivi është infrastruktura e Hezbollahut 10/03 15:15
Teksa lufta në Iran ndodhet në javën e dytë, presidenti i SHBA-së Donald Trump për herë të parë la të kuptohet një fund të mundshëm të konfliktit.
Në një konferencë shtypi presidenti i SHBA-së deklaroi, se lufta mund të marrë fund “shumë shpejt”, por jo këtë javë. Trump nuk përmendi një datë konkrete. Rreziku më i madh në luftë ka kaluar tashmë prej tri ditësh, tha më tej Trump.
Nga ana tjetër, presidenti francez Emmanuel Macron paralajmëroi se lufta mund të zgjasë për shumë javë, duke theksuar se regjimet nuk ndryshojnë vetëm me bombardime. Ndërsa Garda Revolucionare theksoi të hënën në mbrëmje se ata “do të vendosin për fundin e luftës”, duke iu përgjigjur deklaratës së Presidentit të SHBA-së Donald Trump se konflikti i armatosur do të “përfundojë së shpejti”.
Ushtria e SHBA-së që nga fillimi i sulmeve kundër Iranit më 28 shkurt ka goditur mbi 5.000 objektiva iraniane dhe ka shkatërruar ose dëmtuar 50 anije iraniane, vuri në dukje Komanda Rajonale e SHBA-së.
Çmimi i naftës ka rënë ndjeshëm pasi Trump, tha se lufta me Iranin do të përfundojë “shumë shpejt”. Komentet e tij çuan në një rënie të çmimit të naftës, i cili tani është më afër 90 dollarëve për fuçi, por ende shumë mbi nivelet e para luftës.
15:15 Izraeli nis një valë të re sulmesh drejt Bejrutit, objektivi është infrastruktura e Hezbollahut
Izraeli ka nisur një valë të re sulmesh ajrore drejt kryeqytetit të Libanit, Bejrut.
Konflikti në rritje me Iranin u përmend gjatë një konference për shtyp nga Pete Hegseth, i cili deklaroi se përballja me regjimin në Teheran është një çështje personale për shumë personel ushtarak amerikan, pasi, siç tha ai, forcat iraniane për vite me radhë kanë synuar dhe vrarë ushtarë amerikanë përmes sulmeve dhe aleatëve të tyre në rajon.
13:33 SHBA paralajmëron Iranin: Sot është dita më intensive e sulmeve që nga nisja e ndërhyrjes ushtarake
Sekretari i Mbrojtjes së Shteteve të Bashkuara, Pete Hegseth, paralajmëroi Iranin se sot do të jetë dita më intensive e sulmeve që nga nisja e ndërhyrjes ushtarake.
Çmimi i naftës ka rënë ndjeshëm pasi presidenti i SHBA-së, Donald Trump, deklaroi se lufta me Iranin mund të përfundojë “shumë shpejt”.
12:10 Irani 240 orë pa internet, një nga ndërprerjet qeveritare më të gjata në botë
Netblocks e ka përshkruar ndërprerjen 240-orëshe të internetit në Iran si një nga ndërprerjet më të rënda të internetit në të gjithë vendin, të udhëhequra nga qeveria, të regjistruara ndonjëherë në të gjithë botën dhe e dyta më e gjata në vend që nga protestat e janarit.
12:03 Lufta në Lindjen e Mesme, EasyJet “ngrin” rifillimin e fluturimeve për në Tel Aviv deri në dimër
Linja ajrore britanike me kosto të ulët easyJet ka njoftuar se nuk do të rifillojë fluturimet për në dhe nga Aeroporti Ben Gurion i Tel Avivit të paktën deri në dimër, pasi konflikti ushtarak me Iranin vazhdon.
Presidenti amerikan Donald Trump ka dhënë deklarata të paqarta dhe kontradiktore lidhur me luftën mes Shteteve të Bashkuara ndaj Iranit duke mos sqaruar se kur mund të përfundojë ndërhyrja më e madhe amerikane në Lindjen e Mesme në vite.
Televizioni shtetëror në Iran po transmeton atmosfera festive pas emërimit të Mojtaba Khamenei si udhëheqësi i ri suprem i Republikës Islamike, por vetë ai ende nuk është shfaqur publikisht dhe nuk ka bërë asnjë deklaratë.
10:36 Erdogan paralajmëron sërish Iranin: Shkeljet e hapësirës ajrore turke nuk mund të justifikohen
Presidenti i Turqisë, Recep Tayyip Erdogan, ka paralajmëruar sërish Iranin se shkeljet e hapësirës ajrore turke “nuk mund të justifikohen”, duke theksuar se sulmet ndaj vendeve të rajonit nuk ndihmojnë askënd.
10:08 Izraeli urdhëron evakuimin e banorëve të qyteteve bregdetare të Libanit para sulmeve ajrore
Forcat e Mbrojtjes së Izraelit (IDF) kanë lëshuar një urdhër të ri evakuimi për banorët e qyteteve bregdetare Tyre dhe Sidon në Liban, përpara sulmeve ajrore të planifikuara.
09:57 Teherani akuzon SHBA dhe Izraelin, ministri i Jashtëm iranian: Nuk kanë një plan realist për luftën
Ministri i Jashtëm i Iranit, Abbas Araghchi, deklaroi se Shtetet e Bashkuara të Amerikës dhe Izraeli nuk kanë një strategji të qartë apo një qëllim përfundimtar realist në përballjen me Iranin.
09:16 Lufta në Lindjen e Mesme, Turqia vendos sistemin Patriot të NATO-s në Malatya
Ministria Turke e Mbrojtjes Kombëtare njoftoi sot vendosjen e një sistemi mbrojtës ajror Patriot në qytetin Malatya, ku ndodhet edhe baza e radarit Küreçik, si pjesë e forcimit të masave të mbrojtjes ajrore të NATO-s në rajon për shkak të zhvillimeve të fundit në Lindjen e Mesme.
08:08 “Lufta në Iran do të përfundojë shumë shpejt”, qetëson Trump, Teherani: Fundin e vendosim ne
Presidenti amerikan Donald Trump ka bërë një seri deklaratash lidhur me luftën me Iran, duke thënë se konflikti është “pothuajse i mbaruar”, por duke theksuar se SHBA nuk do të ndalet derisa “armiku të mposhtet plotësisht”. Trump deklaroi gjithashtu se po shqyrton mundësinë e marrjes nën kontroll të Ngushtica e Hormuzit, një nga rrugët më të rëndësishme të transportit të naftës në botë.
Tensionet mes Iran dhe Shtetet e Bashkuara të Amerikës mbeten të larta, ndërsa Teherani paralajmëroi se do të vazhdojë sulmet me raketa “për aq kohë sa të duhet” në përgjigje të deklaratave të presidentit amerikan Donald Trump.
07:32 Trump kritikon liderin e ri të Iranit: Emërimi i Mojtaba Khameneit gabim i madh
Presidenti i SHBA-së Donald Trump ka reaguar ashpër ndaj përzgjedhjes së Mojtaba Khamenei si udhëheqësi i ri suprem i Iran, pas vdekjes së babait të tij Ali Khamenei në goditjet e para të luftës.
07:30 Sa mund të rritet çmimi i naftës? Analiza e The Guardian: Ekonomistët paralajmërojnë rrezikun global
Sipas një analize të publikuar nga The Guardian, çmimet e naftës tejkaluan 100 dollarë për fuçi për shkak të luftës SHBA-Izrael me Iranin, duke nxitur frikën për pasojat në ekonominë botërore dhe rritjen e inflacionit. Ekonomistët paralajmërojnë se një konflikt i gjatë në rajonin kyç të eksportit të energjisë mund të ndikojë seriozisht në standardet e jetesës globalisht.
Top Channel
