Mijëra pasagjerë të kroçerave të bllokuar në Gjirin Persik, personazhe të njohur rrëfejnë tmerrin në Dubai pas përshkallëzimit të konfliktit 04/03 19:48
Lufta me Iranin pritet t’i kushtojë Izraelit 3 miliardë dollarë në javë.
Kostoja e luftës me Irani për ekonominë e Izraeli vlerësohet të arrijë në rreth 9.4 miliardë shekelë (afërsisht 3 miliardë dollarë) në javë, nëse kufizimet kombëtare mbeten në fuqi. Vlerësimi është bërë nga Ministria izraelite e Financave.
Të hënën, pas një vlerësimi të situatës në mes të konfliktit me Iranin, Komanda e Frontit të Brendshëm e Forcat e Mbrojtjes së Izraelit (IDF) vendosi të zgjasë kufizimet kombëtare deri në mbrëmjen e së shtunës, 7 mars.
Masat përfshijnë ndalimin e të gjitha tubimeve publike, pezullimin e aktiviteteve arsimore dhe kufizimin e aksesit në vendet e punës, me përjashtim të bizneseve thelbësore. Udhëzimet parashikojnë kufizim të lëvizjes për në punë, punë nga shtëpia për shumicën e punonjësve dhe mbajtjen e shkollave të mbyllura.
Drejtori i Përgjithshëm i Ministrisë së Financave, Ilan Rom, i ka dërguar një letër kreut të Komandës së Frontit të Brendshëm të IDF-së, gjeneralit Shai Klapper, duke kërkuar lehtësimin e kufizimeve dhe kalimin drejt një aktiviteti të kufizuar ekonomik. Ai propozon një rihapje graduale dhe të pjesshme të ekonomisë duke filluar nga dita e nesërme.
“Nuk ka mosmarrëveshje për nevojën e ruajtjes së një politike mbrojtëse të përshtatur me situatën e sigurisë, por një mbyllje ekonomike në shkallë të gjerë sjell kosto të rënda financiare”, thuhet në deklaratën e Rom.
Ai theksoi gjithashtu se nevojitet një zgjidhje që balancon kërkesat e sigurisë së frontit të brendshëm me nevojat ekonomike, duke kujtuar se ekonomia izraelite ka paguar një çmim të lartë gjatë dy viteve e gjysmë të fundit për shkak të rritjes së shpenzimeve të sigurisë dhe pasojave të luftës me Hamasi.
Top Channel
