“Do mbrojmë Ballkanin”, shefi i NATO-s: Nuk lejojmë vakum, KFOR i fuqishëm 04/03 14:42
Sulmi me dron ndaj bazës britanike RAF Akrotiri në Qipro, ka nxitur evakuimin e banorëve dhe shqetësime të jashtëzakonshme për sigurinë e komunitetit lokal, ndërsa qipriotët vënë në pikëpyetje rreziqet e strehimit të bazave ushtarake perëndimore.
Giorgos Konstantinos, nënkryetar i fshatit, përshkroi tmerrin që ndodhi, duke thënë se të gjithë u larguan nga vendngjarja pas shpërthimit. Më tej ai shtoi “Ne jemi mësuar me zhurmën e aeroplanëve, por ajo që nuk e kishim imagjinuar kurrë është kjo. Droni shpërtheu pak më larg dhe na detyroi të gjithëve të largoheshim.”
Në orët e para të së hënës, sirenat u ndezën ndërsa droni Shahed u rrëzua në pistën e bazës, duke detyruar më shumë se 1,000 banorë të fshatit të gjenin strehim në hotele, manastire ose tek të afërmit në zonën e Limassolit.
Një banor i fshatit tha se nuk është i sigurt nëse do të qëndrojë në vendlindje. “Ajo që ndodhi ishte e tmerrshme. Nuk jam aspak i sigurt nëse do të qëndroj. E njëjta gjë mund të ndodhë përsëri, apo jo?”, tha Georgiu 25-vjeç.
Banorët ngenë shqetësimin se pse droni nuk u zbulua më herët, pavarësisht sistemeve të avancuara mbrojtëse në bazë.
Mbrëmjen e djeshme, qindra njerëz protestuan në Limasol kundër pranisë së bazave britanike dhe ofensivës SHBA-Izrael ndaj Iranit, duke kërkuar tërheqjen e pajisjeve ushtarake që perceptohen si rrezik për ishullin. Tasos Kosteas, kryetar i Këshillit të Paqes, tha: “Bazat janë një rrezik për Qipron, sepse Irani po i shënjestron. Fuqitë e mëdha interesohen vetëm për Qipron për shkak të rëndësisë gjeostrategjike, jo për popullin.”
Shteti anëtar më lindor i BE-së është 20 minuta larg me fluturim nga Libani, nga ku besohet nga zyrtarët qipriotë se grupi i milicisë shiite Hezbollah ka lëshuar dronin e tipit Shahed dhe dy të tjerë janë kapur më vonë të hënën në mëngjes.
Pjesë e një hapësire në jug të ishullit lindor të Mesdheut, territori i kontrolluar nga britanikët shtrihet në 99 milje katrorë. Një peizazh i mbushur me fusha, shenja më e dukshme e përdorimit të objektit si një pikë dëgjimi dhe stacion spiunazhi, rrethon perimetrin me tela me gjemba të bazës.
Në distancë, matanë një gjiri, shtrihet Limasoli, qyteti bregdetar i njohur si “Moska në Mesdhe” për shkak të popullaritetit nga rusët.
Vonë të martën, ndërsa perëndonte dielli, qindra njerëz u mblodhën në bregdetin e Limasolit për të protestuar kundër ofensivës SHBA-Izrael kundër Iranit dhe për të kërkuar tërheqjen e pajisjeve ushtarake që shihen gjithnjë e më shumë si një rrezik për Qipron.
Të hënën, Nikosia ndërmori hapin e rrallë duke e qortuar hapur Londrën për dështimin e saj të perceptuar për të sqaruar rolin e bazës. Në një fjalim, Nikos Christodoulides, presidenti i Qipros, tha se vendi nuk kishte ndërmend të merrte pjesë në ndonjë operacion ushtarak.
Shqetësimet se ishulli mund të përfshihet në një luftë rajonale, në një kohë kur ai kryeson edhe presidencën e BE-së, janë të dukshme në pajisjet ushtarake që po shkojnë drejt brigjeve të tij. Këtë javë, Franca ndoqi Greqinë në vendosjen e mbështetjes ushtarake në vend në formën e fregatave të teknologjisë së fundit, avionëve luftarakë F-16 dhe sistemeve anti-raketore dhe anti-dronë.
Ky veprim erdhi ndërsa u njoftua se Akrotiri dhe disa zona të tjera do të mbeteshin nën evakuim për disa ditë të tjera.
Top Channel
