Presioni i SHBA-së në Iran, Trump vë në pikëpyetje qëndrimin e Teheranit: Si ka mundësi që nuk po reagojnë 22/02 22:18
Një alpinist 50-vjeçar humbi jetën pasi u përfshi nga një ortek në zonën e skive Merano 2000 në Itali në zonën e Qafës Missensteiner.
Pas njoftimit për moskthimin e tij, ekipet e shpëtimit mes 50 dhe 70 efektivë nga Merano, Lana dhe Sarentino, ndërhynë menjëherë në vendngjarje. Në operacion u përdorën njësi qensh, sonda dhe helikopterë të pajisur me sistemin e gjurmimit Recco.
Ndërkohë një tjetër alpinist humbi jetën në një lartësi rreth 3,000 metrash, në shpatet e Becca di Nana, në Lugina e Aostës. Kërkimet nisën pasi ai nuk u kthye në luginë, duke shtyrë bashkëshorten e tij të kërkonte ndihmë.
Ekipi i shpëtimit të Luginës së Aostës dhe njësia e Guardia di Finanza në Cervinia ndërhynë për nxjerrjen e trupit, i cili u transportua me helikopter drejt luginës. Viktima u identifikua si Stefano Poli, banor i Lombardisë, i cili kishte nisur në mëngjes për një ekskursion solo me ski-alpinizëm.
Këto incidente ndodhin vetëm disa ditë pas një tjetër orteku në Luginën e Aostës, në një lartësi rreth 2,500 metrash poshtë Punta Leysser, në komunën e Saint-Nicolas. Në atë rast, një grup alpinistësh gjermanë u përfshi nga orteku ku dy prej tyre u nxorën të gjallë dhe u dërguan në spital, ndërsa një 54-vjeçar ndërroi jetë disa orë më vonë për shkak të hipotermisë së rëndë.
Top Channel
