Vrasja e liderit të kartelit të fuqishëm të drogës ‘El Mencho’/ Meksika në kaos, të shtëna me armë në aeroport, anulohen fluturimet 22/02 21:26
Një anëtar i Forcave Ajrore të SHBA-së dhe bashkëshorti i tij akuzohen për vjedhjen e mbi 3 milionë dollarëve nga qeveria amerikane.
Ata përballen me 12 akuza penale, pasi dyshohet se kanë përvetësuar mbi 3 milionë dollarë nga fondet e qeverisë amerikane, duke përdorur më pas paratë për të blerë makina luksoze dhe një vilë në Arizona.
Sipas njoftimit të institucioneve amerikane, Richard Stefon Ramroop, 35 vjeç, dhe Manuel George Madrid, 32 vjeç, akuzohen për një skemë që dyshohet se ka funksionuar nga janari 2022 deri në dhjetor 2025.
Prokuroria pretendon se Ramroop, duke shfrytëzuar pozicionin e tij si farmacist në Bazën Ajrore Davis-Monthan Air Force Base, ka porositur mijëra pajisje mjekësore me fondet e taksapaguesve. Më pas, sipas autoriteteve, çifti i ka rishitur pajisjet dhe ka mbajtur fitimet për vete, duke i shkaktuar Departamentit të Mbrojtjes një dëm prej më shumë se 3 milionë dollarësh.
Sipas Prokurorit të Përgjithshëm të Arizonës, Timothy Courchaine, llogaritë bankare të lidhura me të dyshuarit kanë përfituar mbi 11 milionë dollarë përmes transfertave bankare, depozitave ACH dhe pagesave të tjera nga kompani të pajisjeve mjekësore.
Hetimet tregojnë se paratë janë përdorur për blerjen e një shtëpie luksoze me vlerë 1 milion dollarë në Malet Tucson në janar 2024, si dhe për një sërë automjetesh të shtrenjta.
Në mesin e automjeteve të blera janë një Porsche Cayenne i vitit 2024 me vlerë mbi 141 mijë dollarë dhe një BMW i7 i ri me vlerë rreth 195 mijë dollarë, si dhe disa modele të tjera luksoze.
Më 15 janar, autoritetet sekuestruan automjetet dhe pasuritë e tjera përmes një urdhri kontrolli. Ramroop u arrestua më 16 janar, ndërsa Madrid më 22 janar.
Ndër akuzat me të cilat përballen janë komplot për të kryer vjedhje të pronës qeveritare, mashtrim me fonde elektronike dhe pastrim parash.
US airman, husband allegedly stole $3M from government to fund lavish lifestyle, luxury cars and mansion https://t.co/Qk1KkXhuBf pic.twitter.com/N99xSZ3G0f
— New York Post (@nypost) February 21, 2026
Top Channel
