Vrau nënën dhe e varrosi pranë një pylli për t’i marrë pensionin, zbardhet dëshmia e djalit në Itali: Kisha frikë se… 12/02 19:17
OKB ka publikuar së fundmi një raport mbi grupin e Saraya Ansar al-Sunnah i lidhur me Shtetit Islamik, ku thuhet se autoritetet siriane kanë penguar pesë atentate që ishin planifikuar kundër presidentit të Sirisë dhe ministrave të tij vitin e kaluar.
Raporti, i cituar nga ‘The Guardian’, specifikon se Presidenti sirian, Ahmed al-Sharaa, ka qenë objektiv i dy përpjekjeve për vrasje, një herë në Aleppo dhe një herë në Daraa, të realizuara nga grupi Saraya Ansar al-Sunnah, një grup i lidhur me Shtetin Islamik, i cili ishte përgjegjës për një bombardim në një kishë në Damask gjatë verës së kaluar.
Një zyrtar rajonale konfirmoi vitin e kaluar se përpjekjet për vrasjen e al-Sharaa ishin penguar, falë informacionit që kishte ardhur nga një vend fqinj që kishte ndihmuar shërbimet e inteligjencës siriane.
Raporti gjithashtu thekson se Shteti Islamik është përqendruar në destabilizimin e qeverisë së re në Damask dhe po shfrytëzon boshllëqet e sigurisë dhe pasigurinë në vend.
Sipas raportit të OKB-së, al-Sharaa është konsideruar si një objektiv kryesor i Shtetit Islamik në Siri.
Top Channel
