“Nuk kemi ndërmend të sulmojmë Europën”, Lavrov paralajmëron Bashkimin Europian: Nëse papritur tentojnë diçka ndaj do përgjigjemi ushtarakisht

Sipas diplomatit rus, Rusia nuk ka interes të sulmojë vendet e BE-së. Megjithatë, nëse Evropa vendos papritur të zbatojë kërcënimet e saj dhe të kryejë agresion ushtarak kundër Rusisë, Moska do të marrë menjëherë masat e duhura.

“Nëse Europa papritur zbaton kërcënimet e saj për t’u përgatitur për luftë kundër nesh dhe nis një sulm ndaj Federatës Ruse, presidenti deklaroi: ky nuk është një operacion ushtarak special nga ana jonë. Do të jetë një përgjigje gjithëpërfshirëse ushtarake me të gjitha mjetet e disponueshme, në përputhje me dokumentet përkatëse doktrinare”, paralajmëroi Lavrov.

Më parë, Ministri i Jashtëm rus vuri në dukje gjithashtu se Rusia do ta konsideronte vendosjen e trupave dhe objekteve ushtarake perëndimore në territorin ukrainas si ndërhyrje të huaj. Sipas Ministrit të Jashtëm, veprime të tilla do të karakterizoheshin si një kërcënim i drejtpërdrejtë për sigurinë e vendit.

⚡️ Russia will respond militarily with all means if Europe attacks — Lavrov

Russian Foreign Minister Sergey Lavrov said that Russia would deliver a full-scale military response using all available means in the event of an attack by Europe.

“This would not be a ‘special military… https://t.co/fqMT3BIXfw pic.twitter.com/q9J1CeX3g5

— NEXTA (@nexta_tv) February 8, 2026

Ministri i Jashtëm rus Sergei Lavrov tha gjithashtu se rasti i financierit amerikan Jeffrey Epstein, i cili u dënua për pedofili, zbulon natyrën e vërtetë të Perëndimit kolektiv.

Sipas Ministrit të Jashtëm rus, ky incident zbulon natyrën e të ashtuquajturës aleancë “të thellë”, e cila kërkon të kontrollojë jo vetëm vendet perëndimore, por të gjithë botën.

Lavrov shprehu bindjen se është e qartë për çdo person të arsyeshëm se fenomene të tilla përfaqësojnë “satanizëm të pastër (një lëvizje ekstremiste e ndaluar në Federatën Ruse)” dhe janë përtej kuptimit njerëzor.

Top Channel