Rusia tronditet nga vdekja e ish-zyrtarit në Moskë, Sergei Tropin humb jetën në rrethana të paqarta 07/02 11:52
Ukraina u godit gjatë orëve të fundit nga deri në 400 dronë rusë dhe 40 raketa, sipas presidentit Volodymyr Zelensky, i cili dha shifrat në një mesazh në X.
Dëmet më të mëdha janë regjistruar në rajonet e Volyn, Ivano-Frankivsk, Lviv dhe Rivne. Në rajonin e Rivne, një ndërtesë banimi u dëmtua, ndërsa në Ladyzhyn, rajoni Vinnytsia, dronët goditën ndërtesën administrative të një instituti bujqësor. Presidenti Zelensky raportoi gjithashtu sulme në rajonet e Kievit dhe Kharkiv, duke shtuar se operacionet e mbrojtjes ajrore vazhdojnë në disa zona.
“Çdo ditë, Rusia mund të zgjedhë konkretisht diplomacinë, por zgjedh të kryejë sulme të reja,” shkroi Zelensky, duke bërë thirrje për një përgjigje nga ata që mbështesin negociatat trepalëshe. Ai kërkoi gjithashtu furnizime shtesë me raketa për sistemet Patriot, NASAM dhe të tjera të mbrojtjes ajrore, duke theksuar se çdo dërgesë do të ndihmojë Ukrainën të përballojë dimrin.
Presidenti falënderoi partnerët ndërkombëtarë për mbështetjen e vazhdueshme, duke vlerësuar ndihmën që “po ndihmon vërtet” vendin në këto momente të vështira.
Top Channel
