Shkëlqim Hajdari do të jetë prefekti i ri i Tiranës.
Vendimi u mor në mbledhjen e qeverisë këtë të premte.
Një muaj parë zoti Hajdari dha dorëheqjen si Kryeinspektor i Përgjithshëm i inspektoriateve në Shqipëri.
Ai udhëhoqi një reformë të thellë në përmirësimin e punës të inspektimeve.
Shkëlqim Hajdarit i besohet posti prefektit të Tiranës jo rastësisht.
Ndër vite ai ka qenë një forcë shtytëse e promovimit të vlerave të kryeqytetit si kryetar i asamblesë për Shoqatën Tirana.
Vitin e shkuar zoti Hajdari organizoi në Tiranë një manifestim solidariteti në mbështetje të udhëheqësve të UCK-s të cilët po gjykohen në Hagë.
Me një karrierë të gjatë mbi 20 vjeçare, si prokuror Shkëlqim Hajdari ka drejtuar për shumë vite edhe shoqatën e prokurorëve.
Detyrat kryesore në karrierën në Drejtësi:
2002- 2008 Prokuror në Tiranë
2005- 2012 Sekretar i Përgjithshëm i Shoqatës Kombëtare të Prokurorëve
2008- 2015 Prokuror dhe Drejtues i Prokurorisë së Apelit Tiranë
2012- 2016 Kryetar i Shoqatës Kombëtare të Prokurorëve
2015- 2016 Prokuror sektori në Shkodër
2016- 2026 Inspektor i Përgjithshëm
Top Channel
