Rusia në komunikim me SHBA për Ballkanin, REL: DASH hesht nëse po diskutohet edhe për Kosovën 25/01 19:22
Presidenti ukrainas Volodymyr Zelensky deklaroi se Ukraina do të jetë teknikisht gati për t’u bashkuar me Bashkimin Evropian në vitin 2027.
Ai shtoi se data e pranimit duhet të specifikohet në marrëveshjen për përfundimin e luftës me Rusinë, për të garantuar sigurinë dhe shmangur bllokimet e mundshme të pranimit në bllok.
Zelensky theksoi se garancitë kryesore të sigurisë për Ukrainën janë anëtarësimi në BE dhe mbështetja nga Shtetet e Bashkuara. Dokumenti amerikan për garancitë e sigurisë është plotësisht gati dhe pret të nënshkruhet, më pas do t’i dërgohet Kongresit të SHBA-së dhe parlamentit ukrainas për ratifikim.
Ai shtoi se në gjysmën e parë të vitit 2026, Ukraina do të jetë gati të hapë të gjitha klasteret e nevojshme për pranimin në BE.
Gjatë vizitës në Lituani, Zelensky diskutoi gjithashtu mbështetjen për sistemin energjetik të Ukrainës, bashkëpunimin ushtarak dhe projektet e përbashkëta të mbrojtjes me Presidentin lituanez Gitanas Naused.
Top Channel
