Është hedhur dritë mbi përgjimet telefonike të Esmeralda Komicit, e afërme e të paraburgosurit Gerald Stamolla, e cila dyshohet se ishte e përfshirë në sigurimin dhe dërgimin e lëndëve narkotike në ambientet e burgut.
Sipas dosjes që disponon Anlia Hoxha, bisedat janë regjistruar në periudhën 25 qershor–10 korrik 2025, gjatë së cilës Komici komunikon disa herë në telefon me Stamollën, i cili ndodhej i paraburgosur në IEVP Elbasan. Në këto komunikime, Stamolla i kërkon asaj të kryejë porosi për sigurimin e drogës.
Në një nga bisedat, i paraburgosuri i shpjegon të afërmes se një person tjetër do ta kontaktojë për t’i dorëzuar “cigaren” në qytetin e Elbasanit dhe më pas t’ia kalojë një çifti të tretë. Komici shfaq hezitim për shkak të mungesës së parave, por Stamolla e siguron se pagesa mund të bëhej më vonë, sipas mundësive.
Pjesë nga dosja:
Esmeralda: 40 bëj dhe 10 mijë lek se pak do ky, totali 50 milek.
Numri: Ku je ti ?
Esmeralda: Këtu ku erdhe.
Numri: Te prokuroria, po 10 për hundë.
Esmeralda: Po lali, të dal.
Numri: Sa po i hipi motorit, për tre minuta dil të lutem. Më del dot te rrugica e Brakës. Dil.
Esmeralda: Yes! o lal po sa pak e kishe bo?
Top Channel
