Një 45-vjeçare kineze është proceduar penalisht nga Policia Kufitare e Rinasit, pasi tentoi të largohej nga Republika e Shqipërisë me një shumë prej 61,755 euro dhe 10,000 dollarë, pa i deklaruar sipas ligjit.
Gjatë kontrollit të imtësishëm në pikën kufitare, shërbimet e Policisë Kufitare në bashkëpunim me shërbimet doganore kanë zbuluar se shtetasja A. W., e cila ishte në përpjekje për të dalë nga Shqipëria, nuk kishte deklaruar shumën e konsiderueshme të parave që po transportonte. Gjetja e këtyre parave pa deklarim ka çuar në referimin e rastit në Prokurori dhe ka nisur procedimi penal në gjendje të lirë.
Autoritetet doganore dhe kufitare janë angazhuar për parandalimin e aktiviteteve të paligjshme në kufi dhe zbardhjen e rasteve të mosdeklarimit të shumave të parave.
Shuma e parave u sekuestrua, dhe materialet procedurale iu referuan Prokurorisë së Tiranës për veprime të mëtejshme.
Top Channel
