Pse nuk mori pjesë në Davos? Rama u përgjigjet deputetëve: Zgjodha të prisja vajzën me lejen e Trump 22/01 12:26
Pas seancës plenare në Kuvend, Sali Berisha, foli në një deklaratë për mediat jashtë dyerve të Kuvendit.
Kreu i Partisë Demokratike u ndal te projekti i Sazanit, duke u shprehur se dhe në kohën kur ai ishte kryeministër, ia kishte ofruar ishullin ish-kryeministrit italian, Silvio Berlusconit.
“Sa i përket Zvërnecit, është një aferë private. Nuk di të jetë dhënë tokë publike aty. Sa i përket Sazanit, e kam deklaruar, ne i mbështesim investimet amerikane, por natyrisht ky e bëri këtë për influencë politike. E sigurt që dështoi, sepse po të mos dështonte, nuk do të merrte përsipër të bëhej gazi i dheut në një samit. Zvërneci është një investim privat, Sazanin ai e dha, por po të më çosh pak më tutje, do të flas për gjëra që s’kanë lidhje me këtë.
Sazanin edhe qeveria ime e ka ofruar. Nuk mund të jem ai që s’jam. E kemi ofruar. Në kohën kur ne kemi bërë vlerësimin, ai ishte një ishull pa prurje. E ofroi Fatos Nano para meje. E ofrova unë. Ia ofrova mikut të dashur të shqiptarëve, Silivio Berlusconit. Ai e pranoi dhe bëri projektin, por erdhi kriza e madhe financiare.
Sazanin e ka ofruar Fatos Nano. Sazanin e ka ofruar Sali Berisha dhe janë bërë projektet nga i ndjeri Sivliop Berlusconi. Sazanin e ofroi ky dhe ky gjeti Jared Kushner, i cili erdhi me një projekt. Nëse marrëveshja ishte të firmoste marrëveshjen para zgjedhjes së Presidentit Trump, ai e firmosi pas zgjedhjes.
PD ka një parim nga i cili s’ka lëvizur kurrë. Në çështjet e sigurisë ka votuar si SHBA dhe kjo është e faktuar. Ky votoi me një rezolutë me Jeminin për Palestinën dhe kundër SHBA. Unë do të votoja SHBA. Nëse vjen problemi për të zgjedhur në çështjet e sigurisë, do zgjidhja Shtetet e Bashkuara. Nëse më pyesni për çështjet e sigurisë jam i palëkundur.
Po merr zgjedhje çështja për Groelandën, marrëveshja kuadër që është dakordësuar mes përfaqësuesve të NATO dhe Trump, është marrëveshje që jep zgjidhje”, tha ndër të tjera Berisha.
Top Channel
