Të paktën 50 të vdekur nga zjarri në një qendër tregtare në Karaçi të Pakistanit

Zjarri më vdekjeprurës në qytetin pakistanez në më shumë se një dekadë shpërtheu të shtunën në mbrëmje dhe u përhap me shpejtësi në qendrën tregtare Gul Plaza – e famshme për 1,200 dyqanet e saj që shesin furnizime dasmash, lodra dhe shumë sende të tjera.

“Kemi gjetur 20-25 trupa… ose më saktë mbetje njerëzore”, u tha gazetarëve një zëdhënës i administratës rajonale, duke shtuar se ato ishin dërguar në departamentin e mjekësisë ligjore për identifikim.

Deadly Fire at Karachi's Gul Plaza Claims 23 Lives, Dozens Still Missing.

Karachi, Pakistan – January 19, 2026** — A massive fire that erupted late Saturday at Gul Plaza, a multi-storey shopping complex on M.A. Jinnah Road, has killed at least 23 people, with dozens more missing… pic.twitter.com/esE4FTylq5

— JAS (@JasADRxquisites) January 20, 2026

Ai shpjegoi se për shkak të vështirësisë në identifikimin e mbetjeve të djegura, nuk është e lehtë t’i jepet një informacion i saktë publikut. Të martën, autoritetet pakistaneze thanë se të paktën 29 persona kishin vdekur.

Homazh për viktimat
Shumë njerëz i bënë homazhe dhjetëra viktimave duke ndezur qirinj pranë vendit të tragjedisë. Të afërmit e personave të zhdukur mbanin fotografi të të dashurve të tyre. Autoritetet pakistaneze thonë se numri i të vdekurve pritet të rritet pasi nuk ka gjasa që ndonjë nga të zhdukurit të gjendet gjallë.

Zjarri është më vdekjeprurësi në Karaçi që nga viti 2012, kur një strukturë industriale u përfshi nga flakët dhe vdiqën më shumë se 260 persona.

Top Channel